برونۆ فێرناندێزى پورتوگالى هەلبژێردرا بە باشترین یاریزانى مانچستەر یونایتد لەمانگی کانونى یەکەم .
یانەى مانچستەر یونایتد بڵاویکردەوە، کە نازناوى باشترین یاریزانى کانونى یەکەمى ڕابردوو لە ڕیزى یانەکەیدا، بە برونۆ فێرناندێزى یاریزانى هێڵى ناوەڕاست بەخشراوە.
فێرناندێزى ٢٦ ساڵ ، لە مانگی کانوونی یەکەمی رابردوو ، سێ گۆڵى بۆ شەیتانە سورەکە تۆمارکردووە و چوار گۆڵیشى بۆ هاوکارەکانى درووستکردووە.
فێرناندێز، لە ناوەڕاسى وەرزى ڕابردوودا لە یانەى سپۆرتینگى پورتوگالییەوە پەیوەندى بە مانچستەرەوە کرد بە ٥٥ ملیۆن یۆرۆى جێگیر، جگە لە ٢٥ ملیۆن یۆرۆی پاداشت .