پەكەكە كوژرانی چەندین سەربازی توركیای ڕاگەیاند

هێزەكانی پاراستنی گەل (هەپەگە) ڕایدەگەیەنێت، لە چوارچێوەی جەنگی هەفتانین، حەوت مۆڵگە و سێ حەشارگەی سوپای توركیا بە تەواوەتی خاپوور كرا ن و زیاتر لە ٣٠ سەربازی تورکیش كوژران، دەشڵێت: “دوای چالاكییەكە سوپا بە چەكی قورس شوێنی چالاكییەكەی تۆپباران كرد”.

ناوەندی ڕاگەیاندنی هێزەكانی پاراستنی گەل (هەپەگە)، لە ڕاگەیەنراوێكدا ئاماژەی بەوەكردووە، بە بۆنەی ساڵوەگەڕی شەهیدبوونی هەڤاڵ بێریتان، بە پێشەنگایەتی گەریلاكانی یەژاستار، ڕۆژی ٢٥ی ئەم مانگە كاتژمێر 2:00ی دوانیوەڕۆ لەسەر گردی كۆنفرانس و سیسەر، كە سوپای توركیای تێدا جێگیربوون، ئۆپەراسیۆنێكی شۆڕشگێرییان لە هەشت قوڵەوە ئەنجامدا.

ڕاشیگەیاندووە، لەو هێرشانەدا مۆڵگە و حەشارگەكانی دووژمن درانە بەر گولـلە، هێزەكانمان چوونە ناو مۆڵگە و حەشارگەكانیان و، حەوت مۆڵگە و دوو حەشارگە بە تەواوەتی ڕووخێندران، نزیكەی ٣٠ سەربازی سوپاش كوژران و ژمارەیەكی زۆریشیان برینداربوون.

ئاماژە بۆ ئەوەشكراوە، دوای چالاكییەكە سوپای توركیا بە چەكی قورس شوێنی چالاكییەكەی تۆپباران كرد.

هەپەگە ئاشكراشی كردووە، لەو چالاكییە چوار هەڤاڵمان، كە بە قارەمانەتی شەڕیان كرد و فیداییانە چوونە سەر مۆڵگەكانی دووژمن شەهید بوون، كە دواتر ناسنامەكەیان بۆ ڕای گشتی ئاشكرا دەكرێن.

لە كۆتایی ڕاگەیەنراوەكەدا هەپەگە دەڵێت: “ڕۆژی ٢٤ ئەم مانگە كاتژمێر ٠٣:١٥ خولەكی دوانیوەڕۆ، هێزەكانمان حەفارەیەكی دووژمنیان لەنێوان بارەگای سەربازی مێرگێ و موسەكای شەمزینان لە جۆلەمێرگ، كە ڕێگای دروست دەكرد، كردە ئامانج و بە تەواوەتی تێكیان شكاند، ئەوەندەی بۆمان ڕوونبۆتەوە سەربازێكی دوژمنیش لەو چالاكییە كوژراوە.
التسميات :

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget