وەزارەتى خوێندنى باڵا و توێژینەوەى زانستى هەرێم، رێنماییەکانى خوێندنى ماستەر و دکتۆراى بۆ ساڵى خوێندنى (٢٠١٩-٢٠٢٠)راگەیاند و وەزیرى خوێندنى باڵاش دەڵێت: "لە رێنماییەکاندا گۆڕانکارى بنەڕەتى لە مەرجەکانى پێشکەشکردن و توانستى زمان و تەمەن و پلان و کورسى خوێندن كراوه".
دواى پەسەند کردن و راگەیاندنى رێنماییەکان بۆ خوێندنى ماستەر و دکتۆرا لە زانکۆکانى حکومەتى هەرێم، ئارام محەمەد قادر وەزیرى خوێندنى باڵا و توێژنەوەى زانستى رایگەیاند؛ ههوڵمانداوه دەرفەتی زیاترى خوێندنی باڵا بۆ دەرچوانی زانکۆکانمان لهناوەخۆی وڵات بڕەخسێنین.
ئاماژەى بەوەشکردوە کە مەبەستیانە لە رێگەى پلانەکانى ماستەر و دکتۆرا زۆرترین دەرفەت بۆ خوازیاران دەستەبەر بکەنو "رێگربین لە چونە دەرەوەى سامانى نیشتیمانى وڵاتەکەمان".