توركیا پێشنیارێكی ئەڵمانیای لەبارەی رۆژئاوای كوردستان رەتكردەوە

توركیا پێشنیارەكەی وەزارەتی بەرگری ئەڵمانیا بۆ دامەزراندنی ناوچەیەكی ئارامی فرەنەتەوەیی رەتكردەوە.

بەپێی هەواڵێكی دۆیچە ڤێلەی ئەڵمانی، ئەمڕۆ شەممە 26-10-2019 هایكۆ ماس، وەزیری دەرەوەی ئەڵمانیا، لە شاری ئەنقەرەی پایتەختی توركیا لەگەڵ مەولود چاوشئۆغلۆ، وەزیری دەرەوەی توركیا كۆبوویەوە و لەسەر پرسی رۆژئاوای كوردستان گفتوگۆیان كردووە.

پاش كۆبوونەوەكە و لە كۆنگرەیەكی رۆژنامەوانیدا، چاوشئۆغلۆ روونیكردەوە، توركیا پێشنیارەكەی ئەڵمانیا بۆ دامەزراندنی ناوچەیەكی ئارامی فرەنەتەوەیی لە باكوری رۆژهەڵاتی سوریا (رۆژئاوای كوردستان) رەتدەكاتەوە و ئەو پلانە بە واقیعی نابینێت.

لە كۆنگرەكەدا، هایكۆ ماس رایگەیاند "پاڵەپەستۆ دەخەنە سەر حكومەتی توركیا بۆ رێكەوتن لەسەر ئاگربەستێكی كاریگەر و درێژخایەن لە رۆژئاوای كوردستان" و پشتگیری خۆی بۆ رێكەوتنی (سوچی) نێوان ئەردۆغان و پوتین دەربڕی كە بە پێی ئەو رێكەوتنە مانەوەی توركیا لە خاكی سوریادا تەنها پرۆسەیەكی كاتی دەبێت.

پێنجشەممەی رابردوو، ئانێگرێت كرامپ كارێنباوەر، وەزیری بەرگری ئەڵمانیا، پێشنیاری دامەزراندنی ناوچەیەكی ئارامی لە رۆژئاوای كوردستان لەژێر كۆنترۆڵی فرەنەتەوەییدا كرد.

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget