بەپێى ڕاگەیاندنەکان بەیانی ماوریسیۆ پۆچیتینۆى ئەرجەنتینى پەیوەندى بە یانەى پاریس سان جێرمانەوە دەکات.
ڕۆژنامەى لۆ پاریسیانى فەڕەنسى بڵاویکردووەتەوە، ماوریسیۆ پۆچیتینۆ شەوى سەرى ساڵ لەگەڵ خێزانەکەى لە لەندەن بەسەردەبات و سبەینێ هەینىش پەیوەندى بە یانەى پاریس سان جێرمانى فەڕەنسییەوە دەکات.
ئەمەش دواى ئەوەى یانە پاریسیەکە تۆماس توخێلى ئەڵمانى لە پۆستەکەى دوورخستەوە و ڕاگەیاندنەکانیش ئاشکرای دەکەن کە پۆچیتینۆ جێگەکەى دەگرێتەوە.
ڕۆژنامەکە ڕوونیکردووەتەوە، پۆچیتینۆ تەواوى زانیارییەکانى لەسەر تیپى پاریس سان جێرمان و یاریزانەکان و بەرنامەى ڕاهێنانەکان کۆکردووەتەوە و بۆ زانینى دۆسیەى یاریزانە پێکراوەکانیش پەیوەندی بە دەستەى پزیشکى یانەکەوە کردووە.
پۆچیتینۆ بەهۆى ئەنجامە خراپەکانیەوە لە مانگى ١١ى ٢٠١٩دا لە پۆستى ڕاهێنەرایەتى یانەى تۆتنهامى ئینگلیزى دوورخرایەوە و خۆسێ مۆرینیۆى پورتوگالى جێگەى گرتەوە.