‎كۆسرەت رەسوڵ: دژی هەر هەوڵێك دەوەستینەوە بۆ كەمكردنەوەی مافەكانی گەلی كوردستان بێت


كۆسرەت رەسوڵ عەلی، جێگری سكرتێری گشتی یەكێتی نیشتمانی كوردستان رایدەگەیەنێت" یەكێتی نیشتمانی كوردستان پێداگری تەواو لەسەر دەستكەوت ومافە دەستوورییە‌كانی خەڵكی كوردستان دەكاتەوە و دژ بە هەر هەوڵێك دەوەستینەوە كەبۆ كەمكردنەوەیان بێتە ئاراوە . تەنانەت ئەگەر بۆ چاوبەستەكی بەرگی گەمەی خواستی شەقامیشی بەبەردابكرێت".

‎ لە پەیامێكدا كۆسرەت رەسوڵ عەلی، جێگری سكرتێری گشتی یەكێتی نیشتمانی كوردستان دەڵێت" گەلی كوردستان وەك هەمیشە خوازیاری بوونی دەسەڵاتێكی دیموكراسیخوازە لە بەغداد و كاركردن بۆ بونیادنانی سیستمێكی لەوجۆرە بەبەردەوامی یەكێك بووە لە دروشمە زەق و دیارەكانی شۆڕشی ڕزگاری نیشتمانی گەلی كوردستان، كە تیایدا و بە درێژایی چەند دەیەیەكە یەكێتی نیشتمانی كوردستان ڕۆڵی سەرەكی و ڕابەرایەتی تێدا دەبینێت. بۆیە پشتیوانی كردنی هەرهەوڵ و هەنگاوێك بەوئاڕاستەیە بەئەركی سەرشانمان و بەشێك لە هەوڵدان بۆ بەدیهێنانی ئامانجە ڕەواكانی گەلەكەمان و تەواوی گەلانی عێراقیش دەبینین".

دەشڵێت "ئەوە ڕاستییەكی حاشا هەڵنەگرە كە شێوازی دەسەڵاتدارێتی لە بەغداد ڕەنگدانەوەی ڕاستەوخۆی لەسەر جۆرو ئاستی پەیوەندیەكان و ڕادەی ئاشتەوایی نێوان ناوەندو هەرێم بە پارێزگاكانیشەوە هەبووە و هەیە بە هەرێمەكەی ئێمەشەوە، بەڵام سەرباری ئەوانەش ئێمە هیچ كات لەگەڵ شێوازی توندوتیژی نواندن نین ونەبووین لە هەرلایەكەوە پەیڕەوكرابێت و خوازیاری ئەوەین كە هاوڵاتیانی سڤیل بە شێوازێكی ئاشتیانە و خەباتی مەدەنیانە داوای مافەڕەواكانیان بكەن و لایەنی دەسەڵاتیش وەڵامدانەوەی پۆزەتیڤانەیان هەبێت و لەئاست جێبەجێكردنی ئەركەكانی سەرشانیان و فەرمانڕەوایەتیەكی ڕاست و دروستی ووڵاتدا بن".

‎ئاماژەی بەوەشكردووە"هەر لێرەشەوە ئێمە لە یەكێتی نیشتمانی كوردستان بە هەموو لایەكی ڕادەگەیەنین چۆن بەتوندی دژی فەسادی سیاسی و ئیداری و مالی و هەموو شێوازە جیاوازەكانی گەندەڵین لە بەرامبەریشدا پشتیوانی تەواوی خۆمان بۆ هێنانەكایەی سیستمێكی دیموكراسی و بەدیهێنانی چاكسازی و زامنكردنی ئاستێكی بەرزی دادوەری كۆمەڵایەتین و تا ئەو ئاستە پاڵپشتی لە هەمواركردنەوەی بڕگەو ماددەكانی دەستوری هەمیشەیی عێراق دەكەین كە نەبێتەهۆی زیانگەیاندن بە مافە سیاسی و ئیداری و بەركەوتە داراییەكانی گەلی كوردستان و كەمیان نەكاتەوەبە تەواوی مافە كلتوری و نەتەوایەتیەكانیشمانەوەو چارەسەرە پێشنیاركراوەكانی بۆ ناوچە جێناكۆكەكانی نێوان هەرێمی كوردستان و دەوڵەتی فیدراڵی عێراق نەشێوێنێت كە ئێستا لە چوارچێوەی مادەی (140)ی دەستووردا نەخشەڕێژ كراوە، هەرهەوڵێك لەلایەن هەر لایەكەوە بەو ئاڕاستەیە ڕەتدەكەینەوە ".

كۆسرەت رەسوڵ ئاماژەی بەوەشكردووە" بۆیە یەكێتی نیشتمانی كوردستان پێداگری تەواو لەسەر دەستكەوت ومافە دەستوورییە‌كانی خەڵكی كوردستان دەكاتەوە و دژ بە هەر هەوڵێك دەوەستینەوە كەبۆ كەمكردنەوەیان بێتە ئاراوە . تەنانەت ئەگەر بۆ چاوبەستەكی بەرگی گەمەی خواستی شەقامیشی بەبەردابكرێت. ئێمە زۆر باش لە داخوازیەكانی شەقامی عێراقی تێدەگەین كە خواست و داوای ڕەوان و سەرەتاییترین مافن كەبە ژیانی مرۆڤی ئەم سەردەمە ڕەواببینرێت، كە بەداخەوە دەسەڵاتدارێتی ناوەند لە ‌بەغداد لە بەجێهێنانیان كەمتەرخەمی زۆری نواندووە‌ ".

ئاشكراشیكردووە" بۆیە ناكرێت و ناشبێت كە ئەوبابەتانەی پەیوەستن بەداخوازیە مەدەنیەكانی شەقامەوە بكرێتە بیانوو بۆ هەر جۆرە پیلانگێڕیەك لەژێر ناوی پێداچوونەوە و هەمواركردنەوەی دەستووری هەمیشەیدا لەدژی مافە ڕەوا بەدەستهاتووەكانی گەلی كوردستان بەكاربهێنرێت ".


التسميات :

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget