نووسەرێکی دیاری تورکیا: ئەوەی بەرامبەر بە هەدەپە دەكرێت لە کوودەتای 1980 دەچێت


نووسەرێكی دیاری توركیا، پێی وایە ئەوەی ئێستا لە توركیا بەرانبەر بە هەدەپە دەكرێت، بەوەی سەرۆك شارەوانییەكانیان دوور دەخەنەوە و لە شوێنیان فەرمانبەری سەر بە دەسەڵات دادەنرێت، لە كوودەتای ساڵی ١٩٨٠ كەنان ئێڤرەنیش هەر ئەوەندەی كردووە.

محەممەد یڵمار نووسەری دیاری توركیا، لە وتارێكدا كە ئەمڕۆ ٦ی ١ی٢٠١٩ لە ماڵپەڕی (T24)ی توركی بڵاوی كردووەتەوە، رەخنەی توند لە حكوومەتی توركیا دەگرێت بەهۆی دوورخستنەوەی سەرۆك شارەوانییەكانی هەدەپە، كە بە دەنگی خەڵك بوونەتە سەرۆك شارەوانی.

ئەو دەنووسێت: "لە كوودەتاكەی١٩٨٠ كەنان ئێڤرەنیش كە ئەندازیاری ئەو كوودەتایە بوو، سەرۆك وەزیرانی هەڵبژێراوی لەلایەن خەڵكەوە لە كار دوور خستەوە و ئەندام پەرلەمانەكان و سەرۆك شارەوانییەكانیشی لە پۆستەكەیان دوور خستەوە، ئەوەی ئێستاش بەرامبەر بە هەدەپە دەكرێت هەر هەمان شتە، چونكە لە شوێنی ئەو سەرۆك شارەوانییانە وەكوو ئێڤرەن كەسی نزیك لە حكوومەت لە شوێنیان دانراوە".

ئەو نووسەرە پێی وایە حكوومەت بۆی هەیە سەرۆك شارەوانی دوور بخاتەوە بەو مەرجەی، كە ئەو سەرۆك شارەوانییە دۆسیەكەی لە دادگا یەكلایی بووبێتەوە تاوانی كردووە یان تیرۆرستە، ئەوەی ئاكەپە بەرامبەر بە هەدەپە دەیكات، بە هیچ نەزانینی یاسا و دادگایە".

هەدەپە لە هەڵبژاردنی شارەوانییەكانی ٣١ی ٣ی ٢٠١٩، توانی ٣ گەورە شارەوانی و ٥ شار و ٥٠ شارۆچكە و ١٢ ناوچە بباتەوە.

لە دوا هەڵبژاردنی پەرلەمانیشدا دەنگەكانی هەدەپە ٥ ملیۆن و ٨٦٦ هەزار و ٣٠٩ هەزار دەنگ بووە.

ئێستا لە کۆی ٦٤ سەرۆک شارەوانی کە بەدەست هەدەپەوە بووە، تەنیا ٤٩ سەرۆک شارەوانی ماوە و ١٥ سەرۆک شارەوانی دوور خراونەتەوە و چەند کەسیشیان بەند کراون و لە جێگەیان قەیووم دانراوە.
التسميات :

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget