جنۆكه‌ له‌ نێوان بوون و خه‌یاڵدا 

له‌و كاته‌ی مرۆڤ هاتۆته‌ سه‌ر زه‌وى چه‌ندین چیرۆك وبه‌سه‌رهات و سه‌رو سه‌ربرده‌ی تاڵ و ناخۆش ده‌گێرِنه‌وه‌,رِۆژ به‌ رۆژیش 
رِووداوی جۆراو جۆر ده‌بیستین له‌سه‌ر جنۆكه‌.له‌ قورئانى پیرۆزو فه‌رمووده‌كانی پێغه‌مبه‌ر و زانا ناوداره‌كانی ئیسلام و زاناكانی سه‌رده‌م و گشت ئاینه‌ ئاسمانیه‌كان دان به‌ بوونی ئه‌م بوونه‌وه‌ره‌ ده‌نێن چه‌ندین به‌لگه‌یان له‌سه‌ر بوونی جنۆكه‌ و شه‌یتان هه‌یه‌,زۆربه‌ی خه‌لكی جیهان باورِ به‌ بوونی ده‌كه‌ن.له‌گه‌ڵ ئه‌مه‌شدا چه‌ندین كه‌س باورِی به‌ بوونی جنۆكه‌ نیه‌ و ده‌لێن شتێك نیه‌ به‌ناوی جنۆكه‌ له‌سه‌ر رِووی زه‌وی .له‌لاَیه‌كی تره‌وه‌ ئه‌وه‌نده‌ی مناڵ و خه‌لك ده‌ترسێنرێ به‌ جنۆكه‌ به‌هیچ شتێكی تر ناترسێنرێ یان زۆربه‌ی هه‌ره‌ زۆری خه‌لكی جیهان ترسێكی له‌دله‌وه‌ هه‌یه‌ له‌ جنۆكه‌ .ئایا ئه‌وان ئه‌و بوونه‌وه‌ره‌ن كه‌ ئێمه‌ لێیان بترسێین؟ یان ئه‌وان چ مه‌ترسیه‌كیان هه‌یه‌ له‌سه‌ر مرۆڤ.؟جنۆكه‌ رِاسته‌ بوونی هه‌یه‌ له‌سه‌ر گۆی زه‌وی ده‌ژیت؟.بۆ ئه‌م مه‌به‌سته‌ وچه‌ندین پرسیاری تر سه‌ردانی (شێخ عبدالوهاب شێخه‌ لاێی)مان كرد كه‌ شاره‌زایه‌كی ته‌واوی له‌سه‌ر جن وشه‌یتان هه‌یه‌ به‌م جۆره‌ وه‌لاَمى پرسیاره‌كانی ئێمه‌ی دایه‌وه‌. پ/ جنۆكه‌ چیه‌ چۆن دروست بووه‌ ئیش و كاریان چیه‌ له‌ سه‌ر زه‌وى؟
ئه‌وانیش وه‌ك ئێمه‌ بوونه‌وه‌رێكن خواى گه‌وره‌ دروستى كردون ته‌نها بۆ په‌رستنى, جنه‌كانى پێش مرۆڤ دروستكردووه‌ و پێش مرۆڤ له‌سه‌ر زه‌وى ژیاون . وه‌ خواى گه‌وره‌ ئه‌وانى له‌ بلێسه‌ى ئاگر دروست كردووه‌ چۆن مرۆڤى له‌ قورِێكى بۆگه‌نى دروست كرد. له‌ قورئانى پیرۆزدا( 72 ) جار ناوى شه‌یتانى هیناوه‌ وه‌ سورِه‌تێكى به‌ناوى (جن) ناردۆته‌ خواره‌وه‌ . جنه‌ كانیش وه‌كو ئیمه‌ موسولمان و مه‌سیحى و یه‌هوودیان ....هه‌یه‌. ئه‌وان ته‌مه‌نیان زۆر درێژه‌ وه‌كو ئێمه‌نین( شێخ مه‌حموود به‌یومى) كتێبێكى هه‌یه‌ ده‌ڵێت جنۆكه‌یه‌كم له‌ له‌شى یه‌كێك ده‌ركرد ته‌ مه‌نى (3000) ساڵ بوو , خواى گه‌وره‌ ته‌مه‌نێكه‌ درێژى به‌وان داوه‌ .هه‌روه‌ها كاره‌كانى خۆیان زۆر به‌خێرایى ئه‌نجام ده‌ده‌ن (شێخ ماهیر وه‌لى كۆسه‌) په‌رتوكێكى هه‌یه‌ ده‌ڵێت له‌ (5)خوله‌ك (1000) كیلۆ مه‌تر ده‌برِن ئه‌وان ده‌توانن خۆیان بۆ زۆر شێوه‌ بگۆرِن خۆیان ده‌كه‌نه‌ (وشتر ,سه‌گ ,كه‌ر,مار,دوپشك,سیسركه‌,شێر,پڵنگ) فه‌رمووده‌یه‌كى پێغه‌مبه‌ر هه‌یه‌ ده‌ڵێت(سێ جۆریان هه‌یه‌(سه‌گ و مار و شێوه‌ى مرۆڤ) وه‌كو ئێمه‌ رِه‌وه‌ندو كۆچه‌ریان هه‌یه‌ ئه‌وان به‌زۆرى كۆچه‌رن.به‌زۆرى شێوه‌ى خۆیان ده‌خه‌نه‌ سه‌ر رِه‌نگى رِه‌ش, سۆر  , زه‌ردى به‌لاَم له‌هه‌موو رِه‌نگێك زیاتر رِه‌ش . زۆر رِقیان له‌ سپى و سه‌وز ده‌بێته‌وه‌ , دوژمنیان كه‌سكایه‌تی دارو دره‌خته‌.  
پ/زۆر كه‌س هه‌یه‌ باوه‌رِى به‌بوونى جنۆكه‌ نیه‌ ده‌ڵێت هیچ شتێك له‌سه‌ر زه‌وى به‌ناوى جنۆكه‌ نیه‌ ؟
گفتوگۆ كردن له‌سه‌ر نه‌بوونى جنۆكه‌ زۆر هه‌له‌یه‌ چونكه‌ پێغه‌مبه‌ر گفتوگۆى له‌گه‌ل كردوون هه‌ندێك له‌ جنه‌كانى كردۆته‌ موسولمان , ئه‌و كه‌سه‌ى باوه‌رِى به‌ بوونى نه‌بێت ئه‌وا ئیماندار نیه‌ . هه‌ركه‌سێك كه‌ ده‌لێ بونیان نیه‌ ئه‌توانێ سه‌ردانم بكات من به‌ ئاسانترین شێوه‌ ئه‌توانم باوه‌رِى پێبهێنم ته‌نها (3) په‌رتوكى پێ ئه‌ده‌م بابیان خوێنێته‌وه‌ جنه‌كان وازى لیناهێنن و شه‌و خه‌وى لێناكه‌وێت له‌به‌ر جنۆكه‌كان. چه‌ندین شریت و (CD) له‌بازارِو له‌ ئینته‌ر نێت هه‌یه‌ ئه‌توانىَ بیان بینىَ.
پ/جیاوازى چیه‌ له‌نێوان جنۆكه‌و شه‌یتان هه‌ردووكیان یه‌كن یان جیاوازن؟
جنۆكه‌كان به‌ پیرو گه‌نج و مناله‌كانیان نه‌وه‌ى (ئیبلیس)ن وه‌ك مرۆڤ كه‌ هه‌مووى نه‌وه‌ى حه‌زره‌تى(ئاده‌م )ن جنه‌كان و شه‌یتانه‌كان هه‌موویان یه‌كن , به‌لام بۆیه‌ خواى گه‌وره‌ پێیان ده‌لێت (جن) چونكه‌ كافر نینه‌ و باوه‌رِیان به‌ خوا هه‌یه‌ شه‌یتانه‌كانیش جنن به‌لام له‌فه‌رمانى خواى گه‌وره‌ ده‌رچوون بۆیه‌ خواى گه‌وره‌ پێیان ده‌لێت شه‌یتان (ئیبلیس)یش له‌ هه‌موویان گه‌وره‌ترو به‌هێزتره‌ وه‌  پاشایتیان.پێغه‌مبه‌ر ده‌ڵێت عه‌رشى شه‌یتان له‌سه‌ر ئاوه‌ له‌ دوورگه‌یه‌ك گیرساوه‌ته‌وه‌.
پ/ئایا مرۆڤ تواناى دیتنى جنۆكه‌ى هه‌یه‌ یان گوێى له‌ ده‌نگیان بێت؟
به‌ڵێ ئێستا من زۆر حه‌زم لێنیه‌ قسه‌یان له‌گه‌ڵ بكه‌م جنه‌كان به‌خۆیان دێنه‌ لام به‌زۆرى داوام لێده‌كه‌ن قسه‌یان له‌گه‌ڵ بكه‌م.  زیاتر له‌(100) جار گفتوگۆم له‌گه‌لیان كردووه‌ تۆمارییشم كردووه‌ به‌لام له‌به‌ر خه‌لكى ناكرێ بلاَوبكرێنه‌وه‌ خه‌ڵك پێى بتر سێنرىَ . جارێكیان قسه‌م له‌گه‌ڵ یه‌كیكیان كرد ده‌یگوت 20 ساڵم به‌لام یه‌ك دوو سونده‌م لێدا ووتى 185ساڵم . پێغه‌مبه‌ر جنۆكه‌ى دیتیه‌ ,هاوه‌لاَنى پێغه‌مبه‌ریش بینویانه‌ وه‌كو ئه‌بو هورِه‌یرِه‌, وه‌ له‌پیاوچاكان شێخ عبدالقادرى گه‌یلانیش بینویه‌تى وه‌ له‌ شه‌رى به‌در شه‌یتان به‌خۆى به‌شدارى كردووه‌ به‌ ئاشكرا بینراینه‌ .محه‌مه‌د عیسا داود له‌ كتابه‌كه‌ى (حیوار ێحف مع جن المسلم) ده‌ڵێت كاتێك ئه‌م كتابه‌م ده‌نووسى به‌ ئاشكرا یه‌كێك هاته‌ ژووره‌وه‌ سه‌لامى كرد ووتى ئه‌م كتابه‌ هه‌له‌ى زۆرى هه‌یه‌ من پاش سێ رۆژى تر ده‌چمه‌ مه‌ككه‌ و دێمه‌وه‌ پێت ده‌لیًم هه‌له‌كانت له‌كوێیه‌, منیش ووتم بۆ ده‌چیه‌ مه‌كه‌.جنه‌كه‌ وتى یه‌كێك له‌ مه‌كه‌ گه‌وره‌مانه‌ پێى ده‌ڵێم كامه‌ هه‌له‌كانه‌ .پاش 3  رۆژ هاته‌وه‌ هه‌له‌كانى بۆ رِاست كردمه‌وه‌ . ئه‌گه‌ر ئه‌م كتابه‌م چاپ كردبا له‌وانه‌یه‌ 100 هه‌له‌م كردبا گه‌ر ئه‌م جنه‌ یارمه‌تى نه‌دابام. وه‌ موحه‌مه‌دى كورى واسع پیاویًكى زۆر دیندار بوو جارێكیان ئیبلیسى بینیوه‌ ده‌لێت له‌مزگه‌وت چومه‌ ده‌روه‌ پیاوێكم دیت وتى توخوا ئه‌و دوعایه‌ى كه‌ ده‌خوێنى به‌كه‌س مه‌لئَ منیش وتم تۆ كێى ئه‌ویش وتى من (ئیبلیس) منیش وتم سوێندبىَ به‌ خوا مادام به‌هه‌موو خه‌لكی رِاده‌گێنم. به‌لام هه‌موو كه‌سێك ناتوانێ جنۆكه‌ ببینێت سێ جوَر كه‌س ده‌توانێت شه‌یتان و جنوَكه‌بیبینێ 1_كابرایه‌كی زوَر به‌دین بێت 2_ساحیر بێ3_شێت بێت.
پێغه‌مبه‌ر(د.خ) ده‌لێت هه‌ركه‌سێك جنوَكه‌ له‌سه‌ر شێوه‌ی رِاسته‌قینه‌ى خوَی ببینێت ئه‌وا شێت ده‌بێت. كه‌واتا شێت له‌سه‌ر شێوه‌ى راسته‌قینه‌ى خوَی ده‌بینێ.
پ/بۆچى مرۆڤى ئاسایى ناتوانىَ جنۆكه‌ ببینێ ؟
ئه‌وانیش وه‌ك مرۆڤ دروستكراوى خواى گه‌وره‌ن به‌لاَم ئه‌وانى له‌ ئێمه‌ شاردۆته‌وه‌ بۆ ئه‌وه‌ى باوه‌رِت به‌ رِۆژى دوایى هه‌بێت كه‌ئێمه‌ ناى بینین و لێمان دیارنیه‌, وه‌ جنۆكه‌ش هه‌یه‌ لێمان دیارنیه‌ وه‌ شتێكى تر كه‌ ئێمه‌ ناى بینین ئه‌ویش فریشته‌كانن, به‌لاَم له‌ هه‌مووى گرینگتر ئه‌وه‌یه‌ فریشته‌كان مرۆڤ و جنۆكه‌كان ده‌بینىَ كه‌چى نه‌مرۆڤ نه‌ جنۆكه‌ فریشته‌كان نابینىَ له‌ هه‌مان كات دا جنۆكه‌كان ئێمه‌ ده‌بینن. وه‌شتێكى تر ئه‌مه‌وىَ بیڵێم ژن و ژنخوازى له‌ نێوان ئێمه‌و ئه‌وان هه‌یه‌ به‌لام له‌سه‌ر شێوه‌ى جنۆكه‌یه‌ نه‌ك مرۆڤ ئێمه‌ نایان بینین ,هه‌ندىَ كچ هه‌یه‌ شوى به‌ جن كردووه‌ منالى لىَ هه‌نه‌ ,به‌لام له‌سه‌ر شێوه‌ى مرۆڤ هیچ گۆرِانكاریه‌ك رِونادات له‌ له‌شى واتا كچه‌كه‌ نابێته‌ ژن .
پ/ئایا جنۆكه‌ ده‌توانێت بچێته‌ له‌ شى مرۆڤ ؟
ئه‌مه‌ دوو رِا هه‌یه‌ زۆربه‌ى زاناكان رِایان وایه‌ نا چێته‌ له‌ شى مرۆڤ به‌شێكیان ده‌لێت ده‌چێته‌ له‌شى مرۆڤ هه‌ردوو رِا به‌هێزن ,به‌لاَم ئه‌وه‌ى ده‌ڵت ناچیت به‌هێزتره‌ ,من چه‌ندین جار گفتو گۆم له‌گه‌ڵ كردوون .نموونوشمان هه‌یه‌ پێغه‌مبه‌ر له‌سه‌ر نه‌خۆشى خوێندووه‌ ده‌لێت برِۆ ده‌ره‌وه‌ ئه‌ى دوژمنى خوا , واتا له‌ناو له‌شى مرۆڤ هه‌یه‌ ئه‌گه‌ر نا ئه‌م قسه‌یه‌ ناكات .جارێكیان ئیمامى ئه‌حمه‌د له‌سه‌ر نه‌خۆش قورئانى ده‌خوێند وه‌  عه‌بدولاى كورِى به‌لاى دا رِۆیشت دیتى وا قسه‌ ده‌كاتن وتى باوكه‌ ئه‌وه‌ كێیه‌ قسه‌ ئه‌كات وتوویه‌تى ئه‌وه‌ جنه‌ عبدولا وتى ئه‌ى بۆ خه‌ڵكى ئه‌لێن جنۆكه‌ ناچێته‌ له‌شى مرۆڤ . ئیمامى ئه‌حمه‌د ووتى ئه‌وه‌ى وا ئه‌لێت بابێت گوىَ بداته‌ قسه‌كانى,ده‌شتوانرىَ قسه‌كانیشیان  ته‌نزیل بكه‌یت منیش یه‌كێكم له‌وكه‌سانه‌ى كه‌وا قسه‌م له‌گه‌ڵ كردوون و وه‌ رِیكۆردم كردووه‌.
جنۆكه‌ ده‌چێته‌ له‌شى ئه‌وكه‌سانه‌ى كه‌ حه‌سوودى پىَ ده‌بردرىَ ,نه‌فه‌سى لێده‌درێت ,سیحرى لێده‌كرێت وه‌ ئه‌و كه‌سانه‌ش كه‌ ئاوى گه‌رم ده‌رِێژن چونكه‌ هه‌ندێك جار ده‌بێته‌ هۆى سوتانى جنه‌كان ئه‌گه‌ر( بیسم الله‌) ى نه‌كات.  زۆربه‌ى ئه‌و كه‌سانه‌ى كه‌وا كێشه‌و گرفتیان هه‌یه‌ په‌نا ده‌به‌نه‌ به‌ر خۆ كوشتن هۆیه‌كه‌ى ده‌گه‌رێته‌وه‌ بۆ شه‌یتان كه‌وا ده‌چێته‌ ناو له‌شى مرۆڤه‌كه‌وه‌ و هانیده‌دات بۆ ئه‌م كاره‌.
پ/ئایا لێدان یان سوتان چاره‌سه‌رى نه‌خۆشى جنى پێده‌كرێت؟
به‌لێدان چاره‌سه‌رى ده‌كرێت به‌لاَم من زۆر حه‌زم له‌لێدان نیه‌ كه‌م به‌كار ده‌هێنم به‌لاَم هه‌موو كه‌سێك نابێت ئه‌م كاره‌بكات نابێت له‌نه‌خۆشه‌كه‌ بدرێت به‌لكو ده‌بێت له‌ جنه‌كه‌ بدرێت .جارى واهه‌یه‌ من 100 سۆنده‌م له‌ كابرایه‌ك دایه‌ دواتر پێم وتتوه‌ باوه‌رِى نه‌كردووه‌ .به‌لام ئه‌گه‌ر كه‌سه‌كه‌ ئازارىپێگه‌یشت و هاوارى كرد نابێ لێیبدرىَ . ئه‌وكه‌سانه‌ى كه‌ سه‌ردانى من ده‌كه‌ن به‌ قورئان خوێندن له‌سه‌ر كه‌سه‌كه‌ ئه‌زانم كه‌ جنى هه‌یه‌ یان نا ئه‌ویش ئه‌گه‌ر هات و له‌كاتى خوێندنه‌وه‌ى قورئان له‌ سه‌رى گه‌ر تێكچو یان به‌ده‌سته‌كانى چاوى گرت ئه‌وا ماناى وایه‌ جنى هه‌یه‌..پێغه‌مبه‌ر به‌شه‌ق له‌ سینگى نه‌خۆشى داوه‌ وتیتى برِۆده‌ره‌وه‌ ئه‌ى دوژمنى خوا .سوتانیش هه‌یه‌ به‌لام نابێت لاشه‌ى نه‌خۆش بسوتێنرێت یان به‌لێدان بلێت ناوى جنۆكه‌ بلێ ئه‌وجا بیسوتێنى ئه‌مه‌ هیچ ئه‌سل و ئه‌ساسێكى نیه‌ .من نزیكه‌ى 160 په‌رتووكم هه‌یه‌ له‌سه‌ر جنۆكه‌ هیچ یه‌كێكیان باسى نه‌كردووه‌ به‌م جۆره‌ چاره‌سه‌رى نه‌خۆشى پىَ بكرێت. سوتان به‌م جۆره‌ نیه‌ به‌ حه‌وت جۆر ده‌سوتىَ :قورئان له‌سه‌ر به‌رداخه‌ ئاوێك ده‌خوێنرىَ ئینجا پێى داده‌كرێ یان خۆى پێده‌شوات, وه‌ هه‌ندىَ جار پارچه‌ په‌رِۆیه‌ك قورئانى له‌سه‌ر ده‌نووسرىَ له‌ بن لوتى نه‌خۆش ده‌سوتێنرىَ ئینجا جنه‌كه‌ ده‌سوتىَ.
پ/ئایا هه‌موو كه‌سێك ده‌توانێت جنۆكه‌ له‌له‌شى نه‌خۆش ده‌ربكات؟
نه‌خێر ئه‌مه‌ به‌هره‌یه‌كه‌ خوا به‌هه‌ندێك كه‌س ده‌دات ,به‌لاَم ئه‌و كه‌سه‌ى ئه‌م كاره‌ده‌كات ده‌بێت شاره‌زا بێت ودیراسه‌ى, كتێبه‌كان بكات. سه‌ره‌تا له‌كاتى ئه‌نجامدانى ئه‌م كاره‌ نابێت به‌خۆى و هاوسه‌ر و منداله‌كانى پىَ شێت بن .ئینجا چاره‌سه‌رى خه‌لكى بكات, چونكه‌ یه‌كێك هه‌یه‌ ناوى ناڵێم 7 حه‌وت منداڵى هه‌یه‌ هه‌ر هه‌موویان شێتن هه‌ر جنۆكه‌ى له‌ خه‌لكى ده‌رده‌كات بۆ مناڵه‌كانى ده‌چێت .له‌كۆتایى دا ئه‌مه‌وێت شتێك بیلێم ئه‌ویش ساحیرو فالچیه‌كانن كه‌ شه‌یتانه‌كان كاریان بۆ ده‌كه‌ن به‌لاَم به‌ به‌رامبه‌ره‌ شه‌یتانه‌كان كار بۆ ساحیره‌كان ده‌كه‌ن وه‌ ساحیرو فالچیه‌كانیش كوفرو كارى دژ به‌ خواو ئاینى ئیسلام ئه‌نجام ده‌ده‌ن . یه‌كێك له‌و كارانه‌ى كه‌ ساحێر و فالچیه‌كان ده‌ى كه‌ن ئه‌ویش به‌خت به‌ستنه‌ كه‌ وا له‌ یه‌كێك ده‌كه‌ن ژن نه‌هێنىَ یان شونه‌كاتن یان به‌ینى نێوان ژنو مێردو خه‌لكى تێك ده‌ده‌ن........هتد چه‌ندین كارى تر
mafe blawkrdnawae parezrawa

عبدالرحمن محمد



التسميات :

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget