وتەبێژی هەدەپە رایگەیاند، دەبێت سوپای توركیا كۆتایی بە لەشكركێشیەكانی بۆ رۆژئاوای كوردستان بهێنێت .
گونای كوبیلای، وتەبێژی هەدەپە لە كۆنگرەیەكی رۆژنامەوانیدا لە ئەنقەرە رایگەیاند، پێویستە توركیا كۆتایی بە هێرشەكانی بۆسەر رۆژئاوای كوردستان بهێنێت و چیتری هاوڵاتیان نەبنە قوربانی .
وتیشی، دەبێت رێكخراوەكانی كۆمەڵگای نێودەوڵەتی لێكۆڵینەوە لەو تاوانانە بكەن کە سوپای توركیا بەرامبەر بە هاوڵاتیانی رۆژئاوای كوردستان ئەنجامیداون.