ئاژانسێکی ئەڵمانی ئەردۆغان بەدرۆ دەخاتەوە


دوای کوژرانی سەرکردەی داعش، ئەردۆغان، ڕایگەیاند کە ڕۆژی ٥ی ئەم مانگە هاوسەری بەغدادییان دەستگیر کردووە، بەڵام ئاژانسێکی ئەڵمانی بە درۆیدەخاتەوە و ئاشکرایدەکات کە، هاوسەرەکەی بەغدادی ساڵی ٢٠١٨ لەگەڵ ١٠ کەسی دیکە لە شاری هاتای وڵاتی تورکیا دەستگیرکراوە.


ڕۆژی ٢٧ی مانگی ڕابردوو لە ئۆپەراسیۆنێکی هێزەکانی ئەمریکا بە هاوکاریی هەواڵگیری قەسەدە، ئەبوبەکر بەغدادی سەرکردەی چەتەکانی داعش لە دووریی پێنج کیلۆمەتر لە سنووری تورکیا لە ئیدلب کوژرا، چەند ڕۆژ دوای ئەوە ئەردۆغان ڕایگەیاند کە هاوسەرێکی بەغدادییان لە باکوری سوریا دەستگیر کردووە.

لەو بارەیەوە ئاژانسی DPAی ئەڵمانیا ئاشکرایکردووە کە "ئەسما ئەلکوبەیسی" هاوسەری بەغدادی ڕۆژی ٢ی حوزەیرانی ساڵی ٢٠١٨ لەگەڵ ١٠ تاوانباری دیکەی داعش لە هاتای تورکیا دەستگیر کراوە.

ئاژانسەکە هەروەها ئاشکرایکردووە ئەو گروپەی دەستگیرکراون، لە؛ پیاوێک، چوار ژن و شەش منداڵ پێکهاتبوون، کە ئەسمای هاوسەری بەغدادی لە ماوەیەکی کورتدا لەناو ئەو گروپە ناسراوەتەوە، هەروەها کچێکی بەغدادیش دوای تێستی DNA ناسراوەتەوە.

جێگای ئاماژەیە کە ئەردۆغان ڕۆژی ٥ی ئەم مانگە ڕایگەیاندبوو کە، "بۆ یەکەم جار دەڵێم، هاوسەرەکەی بەغدادیمان دەستگیر کرد"، ئەمڕۆش بۆ یەکەم جار وێنەی ژنەکەی بەغدادی لە میدیاکاندا بڵاو کرایەوە.
التسميات :

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget