نوێترین وێنەی چیچەک کۆبانێ بڵاودەبێتەوە

دوای دەستبەسەرکردنی لەلایەن چەکدارانی ئۆپۆزیسیۆنی سووریا لە دووشەممەی رابردوو، نوێترین وێنەی چیچەک کۆبانێ، ژنە شەڕڤانی یەپەژە بڵاودەبێتەوە کە بەمەبەستی چارەسەرکردن گواستراوەتەوە بۆ نەخۆشخانەیەکی تورکیا. 

میدیای تورکیا وێنەیەکی چیچەک کۆبانێی بڵاوکردووەتەوە و رایگەیاندووە، لە نەخۆشخانەیەکی تورکیا چارەسەری بۆدەکرێت بەبێ ناوهێنانی نەخۆشخانەکە. پێشتریش ئۆپۆزیسیۆنی سووریاش لە راگەیێندراوێکدا ئاماژەی بەوە کردبوو، چیچەک نەکوژراوە و بەپێی یاسا نێودەوڵەتییەکان مامەڵەی لەگەڵ دەکرێت. 

بەپێی راگەیێندراوێکی فەرماندەیی هێزەکانی یەپەژە، رۆژی دووشەممەی رابردوو 21ـی تشرینی یەکەم، سوپای تورکیا هێرشیکردەسەر گوندی میشراقەی سەر بە شارۆچکەی عەین عیسا و شەڕڤانانیش بەرپەرچیانداونەتەوە، لە ئەنجامی ئەوەشدا (چیچەک کۆبانێ) برینداربووە و کەوتووەتە دەست گرووپە چەکدارە تووندڕەوەکان.

لە راگەیێندراوەکەدا فەرماندەیی هێزەکانی یەپەژە هۆشداری ئەوەشی دابوو پاراستنی گیانی لە ئەستۆی کۆمەڵگەی نێودەوڵەتییە. بەپێویستیشی زانیبوو، دەستوەردانی بەپەلە بکرێت و فشار بخرێتە سەر تورکیا بۆ ئازادکردنی ئەو شەڕڤانە.

دوابەدوای بەدیلگرتنی شەڕڤان چیچەک کۆبانێ، گرووپە چەکدارەکانی ئۆپۆزیسیۆنی سووریا دیمەنێکی چیچەکیان بڵاوکردەوە کە بە برینداری بەدیلیان گرتووەو تیایدا هەڕەشەی کوشتنی لێدەکەن و تاوەکو ئێستاش چارەنووسی نادیارە.

س:ڕووداو

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget