دەستەی ژینگەی هەرێمی كوردستان ڕاوکردن تەنیا بۆ ئەو كەسانەیە كە مۆڵەتی ڕاوکردنیان هەیە.


دەستەی پاراستن و چاككردنی ژینگە ئاشكرای دەكات، ڕاوكردنی ئاژەڵ و پەلەوەر لە كاتی ڕاویش تەنیا بۆ ئەو كەسانەیە كە مۆڵەتی ڕاوکردنیان هەیە.

ئەمڕۆ دووشەم 28ـی تشرینی یەكەم، لە ڕوونكردنەوەیەكی دەستەی ژینگەی هەرێمی كوردستان ئاشكرا كراوە، تەنیا ئەو راوچییانە دەتوانن راو بكەن كە مۆڵەتیان لە دەستەی پاراستن و چاككردنی ژینگە وەرگرتووە، راوكردنیش تەنیا ئەو باڵندە و ئاژەڵانە دەگرێتەوە كە لە رێنوێنییەكەدا ئاماژەیان پێ كراوە.

“راوكردن چەند مەرجێكی هەیە، پێویستە ڕاوچی لەبەر چاوی بگرێت وەك بە دەستهێنانی مۆڵەتی یاسایی لە دەستەی پاراستن و چاككردنی ژینگە و بەكارنەهێنانی تفەنگ و تەقێنەرەوەكان بە هەموو جۆرەكانیان و بەكارنەهێنانی قڕكەرەكان و ژەهرەكان و بەكارنەهێنانی تەزووی كارەبا” لە راگەیەنراوەکەدا وا نووسراوە.

ڕوونكراوەتەوە، ڕاوكەر نابێت ئۆتومبێل و رووناكی دەستی یان رووناكی بەهێز (بلاجیكتۆر) بەكار بهێنێت و راوكردن لەناو پارێزراوە سرووشتییەكان ڕێگەپێدراو نیە و راوكردن لە وەرزەكانی زاوزێ‌ و بۆ راوكردنی ئەو باڵندانەی كە رێگەی پێدراوە وەك كەو و سوێسكە بەپێی رێنوێنییەكە تەنیا (داو) بەكار دەهێنرێت و بۆ راوكردنی كەروێشك تەنیا تانجی (تاژی) بەكار دەهێنرێت .

ئەو دەستەیە كاتی ڕاوكرنی باڵندەكانی دیاری كردووە كە راوی كەو و سوێسكە لە 1/6 تا 1/7 لە هەموو ساڵێكە و لە 1/12 تا 1/2 لە هەموو ساڵێكە، هەروەها راوی كەروێشك 1/10 تا 1/2 لە هەموو ساڵێكە.

إرسال تعليق

[facebook]

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget