يونيو 2019


تیپى تۆپى پێى لاوانى یانه‌ى هه‌ولێر بووه‌ پاڵه‌وانى خولى نایابى كوردستان .

له‌ گه‌ڕى كۆتایى خوله‌كه‌، نه‌ورۆز له‌ یاریگه‌ى شەهید فره‌نسۆ هه‌ریرى بووه‌ میوانى هه‌ولێرو یارییه‌كه‌ش به‌ گۆڵێكى یه‌كسان بۆ هه‌ردوولا كۆتایهات.

به‌و ئه‌نجامه‌ش هه‌ولێر بووه‌ پاڵه‌وانى خوله‌كه‌و نه‌ورۆزیش پله‌ى دووه‌مى به‌ده‌ستهێنا .


یارییه‌كانى پاڵه‌وانێتى كۆپا ئه‌مه‌ریكا له‌ وڵاتى به‌رازیل ده‌چێته‌ گه‌ڕى سێیه‌م و كۆتایى له‌ قۆناغى كۆمه‌ڵه‌كان .

ئه‌مشه‌و له‌ یه‌ك كاتدا هه‌ردوو یارییه‌كه‌ى كۆمه‌ڵه‌ى یه‌كه‌م به‌رێوه‌ده‌چێت كاتێك كاتژمێر 10:00ـى شه‌و به‌رازیل  به‌رامبه‌ر پیرۆ یاریده‌كات .

له‌ یارییه‌كى تردا له‌ هه‌مان كات، بۆلیڤیا به‌رامبه‌ر ڤێنزوێلا یاریده‌كات.

له‌ كۆمه‌ڵه‌ى یه‌كه‌م به‌رازیل و پیرۆ خاوه‌نى چوار خاڵن و ڤێنزوێلا 2 خاڵى كۆكردۆته‌وه‌و بۆلیڤیاش هیچ خاڵێكى نییه‌ .


ئەمڕۆ شەممە 22/6/2019 بە ئامادەبوونی سەرۆك و جێگر و سەرجەم ئەندامەكانی، یەكێتی تۆپی پێی كوردستان كۆبوونەوەی ئاسایی خۆی كرد و، ئەم بڕیار و راسپاردانەی خوارەوەی دەركرد:

1- قۆناغی دووەمی پاڵەوانیەتی فێرگەكانی تۆپی پێی كوردستان لە رۆژی دووشەممە 1/7/2019 دەست پێدەكات.
• هەر فێرگەیەك بۆی هەیە دوو یاریزان لەسەر لیستی ناوی یاریزانانی (كشوفات) زیاد بكات.
• فێرگەكانی دابەشكراون بەسەر دوو گرووپ، یەكەم گرووپی هەولێر (8) تیپ، دووەم گرووپی سلێمانی (10) تیپ.
• لە هەر گرووپێك چوار تیپ بۆ قۆناغی كۆتایی سەردەكەوێت.
2- بە هۆی پاشەكشەی هەردوو یانەی گارە و شێروانە لە خولی نایابی تازەپێگەیشتووانی كوردستان، بڕیاردرا بە:
• راگرتنی هەردوو یانەی گارە و شێروانە بۆ دوو وەرز (2019/2020 – 2020/2021)، كە ناتوانن بەشداری لە خولی نایابی تازەپێگەیشتووانی كوردستان.
• غەرامەكردنی هەردوو یانەی ناوبراو بە بڕی (1000000) یەك ملیۆن دینار بۆ هەر یانەیەك.
• یاریزانانی هەردوو یانەی ناوبراو، ئازاد بۆ هەر یانەیەك یاری بكەن.
3- رەزامەندی وەرگیرا بە بەشداری كردنی هەردوو یانەی دەربەندیخان و ئاشتی، لە جێگەی هەردوو یانەی گارە و شێروانە، بە نووسراوی یانەی ئاشتی بە ژمارە 100 لە رێكەوتی 18/6/2019، بە نووسراوی یانەی دەربەندیخان بە ژمارە 35 لە رێكەوتی 20/6/2019.
4- دوای راكێشانی تیروپشك، یانەی دەربەندیخان لە جێگەی یانەی گارە و یانەی ئاشتی لە جێگەی یانەی شێروانە جێگیر كرا.
5- دواخستنی خولی نایابی تازەپێگەیشتووانی كوردستان بۆ ماوەی یەك هەفتە، ئەمەیش بە هۆی بەشدارییكردنی هەردوو یانەی ئاشتی و دەربەندیخان و دروستكردنی ناسنامەی یاریزانان و ستافی هونەری بۆ هەردوو یانە، رۆژی سێشەممە 2/7/2019 خولەكە دەست پێدەكات.
6- لەسەر راسپاردەی راهێنەری هەڵبژاردەی لاوانی كوردستان (ئەرسەلان جەلال)، بڕیاردرا بە راگرتنی یاریزانی یانەی هەولێر (ئەحمەد سەرتیپ) بۆ یەك وەرز 2019/2020، كە ناتوانێ لە چالاكییەكانی یەكێتی تۆپی پێی كوردستان بەشداری بكات، هەروەها غەرامەكردنی بە بڕی (1000000) یەك ملیۆن دینار، ئەمەیش بە هۆی پابەندنەبوون بە رێنماییەكانی یەكێتی تۆپی پێی كوردستان.
7- بە هۆی ئامادەنەبوونی یانەی ئارارات لە یارییان بەرامبەر بە یانەی سیروانی نوێ، لە هەفتەی دوازدەیەمی خولی نایابی لاوانی كوردستان، بڕیاردرا بە:
• هەژماركردنی ئەنجامی یارییەكە بە (3-0) گۆڵ بۆ بەرژەوەندی یانەی سیروانی نوێ.
• غەرامەكردنی یانەی ئارارات بە بڕی 300000 سێسەد هەزار دینار.

یانه‌ی‌ به‌رشه‌لۆنه‌ی‌ ئیسپانی‌ له‌ ماوه‌ی‌ 48 كاتژمێری‌ داهاتوو گرێبه‌ستێكی‌ نوێی ئه‌نجام ده‌دات وبۆند له‌گه‌ڵ نیتۆی‌ به‌ڕازیلی‌ وگۆڵچی‌ یانه‌ی‌ ڤالێنسیا واژوو ده‌كات .

له‌و باره‌یه‌وه‌ رۆژنامه‌ی‌ سپۆرتی‌ كه‌ته‌لۆنی‌ ئاماژه‌ی‌ به‌وه‌ كردووه‌ كه‌ رۆژی‌ سێشه‌ممه‌ به‌ فه‌رمی‌ نیتۆ ی‌ گۆڵپارێزی‌ یانه‌ی‌ ڤالێنسیا ده‌بێته‌ یاریزانی‌ به‌رشه‌لۆنه‌ وسیلیسینی‌ گۆڵچی‌ به‌رشه‌لۆنه‌ش ده‌بێته‌ یاریزانی‌ یانه‌ی‌ ڤالێنسیا .


ئه‌و سه‌رچاوه‌یه‌ باسی‌ ئه‌وه‌شی‌ كردووه‌ كه‌ نرخی‌ هه‌ردو گۆڵپارێزه‌كه‌ وه‌كو یه‌ك ده‌بێت وراسته‌وخۆ ئاڵوگۆڕیان پێ ده‌كرێت .


به‌رشه‌لۆنه‌ نیتۆ ده‌كاته‌ گۆڵچی‌ دووه‌می‌ یانه‌كه‌ ی‌ وتیر شتیگن وه‌كو گۆڵچی‌ سه‌ره‌كی‌ ده‌مێنێته‌وه‌ .


هاندەرانی یانەی بەرشەلۆنە لە راهێنەرەكەیان و نەیمار نیگەرانن و داوا دەكەن راهێنەرەكەیان دوور بخرێتەوە و رێگا بە نەیماریش نەدرێت بگەڕێتەوە یانەكە. 

رۆژنامەی مۆندۆ دێپۆرتیڤۆی نزیك لە یانەی بەرشەلۆنە راپرسیەكی لە نێو هاندەرانی یانەكە ئەنجامدا و زۆربەی هاندەرانی كە بەشدارییان لە راپرسیەكەدا كردووە داوا دەكەن رێگە بە نەیمار نەدرێت جارێكی دیكە بگەڕێتەوە یانەكەیان.

بە گوێرەی ئەو راپرسیە %71.2 گەڕانەوەی ئەو یاریزانەیان بە نەخێر وەڵام داوەتەوە لەبەرامبەردا %28.8 لەگەڵ گەڕانەوەی ئەو یاریزانەن.

رۆژنامەكە راپرسیشی لە بارەی راهێنەری یانەكە كردووە و پرسیویەتی ئایا رازین بە مانەوەی ڤالڤێردی راهێنەر، زۆربەی هاندەران بەم بریارە رازی نین و داوای دورر خستنەوەی ئەو راهێنەریان کردووە.


لەچوارچێوەی یارییەكانی قۆناغی كۆمەڵەكانی پاڵەوانێتی كوپا ئەمریكا هەڵبژاردەی چیلی بەرامبەر هەڵبژاردەی ئیكوادرۆر یاری كرد.

لەگەڵ دەستپێكی یارییەكە یاریزانانی هەڵبژاردەی چیلی بە هێرش بردن دەستیانپێكرد تا لە خولەكی (8)ی یارییەكەدا خۆسێ ڤۆنزالیدا گۆڵی پێشكەوتنی بۆ هەڵبژاردەكەی تۆماركرد، بەڵام لە خولەكی (26)ی یارییەكەدا ئینیەر ڤالەنسیا بە لێدانی سزا گۆڵی بەرامبەری بۆ هەڵبژاردەی ئیكوادۆر تۆماركردەوەو نیوەی یەكەمی یارییەكە بەو ئەنجامە كۆتایهات.

لە نیوەی دوەی یارییەكەدا یاریزانانی هەڵبژاردەی چیلی كە هەڵگری نازناوەكەن فشارەكانیان بۆ سەر تۆڕی گۆڵی هەڵبژاردەی ئیكوادۆ چڕتركردەوە تا لە خولەكی (51) ئەلێكسیس سانچێز گۆڵی دوەم و بردنەوەی بۆ هەلبژاردەكەی تۆماركرد.

سەرئەنجام هەڵبژاردەی چیلی یارییەكەی بە دوگۆڵ بەرامبەر بە یەک گۆڵ بردەوەو سانچێز و هاوڕێكانی خۆیان گەیاندە قۆناغی دوەمی پاڵەوانێتییەكە.


پێگەی سکای سپۆڕت باس لەوە دەکات کە ماتیاس دی لێخت بەرگریکاری یانەی ئەیاکس ئەمستەردامی ھۆڵەندی ئەو یانەیە دیاری کرد کە وەزری داھاتوو یاری بۆ دەکات . 

بەپێی ھەواڵێکی پێگەی سکای سپۆڕت ، دوای ئەوەی دی لێخت بۆندی ھەردوو یانەی بەرشەلۆنە و پاریس سانجێرمانی رەتکردەوە بڕیاریداوە روو لە یانەی یۆڤانتس بکات. 

لەھەواڵەکە ھاتووە ، یانەی یۆڤانتس  لەبەرامبەر بە دەستھێنانی تواناکانی دی لێخت بڕی ٦٢ ملیۆن جونەیھی ئیستەرلینی بە یانەی ئەیاکس دەدات. 

لە ھەواڵەکە ئاماژە بەوەکراوە ، مووچەی ساڵانەی دی لێخت لەگەڵ یانەی یۆڤانتس لە نێوان ١٥- ٢٠ ملیۆن یۆرۆ دەبێت .


له‌ كیێڤی پایته‌ختی ئۆكراینا، یانه‌ی شاختار دۆنێتسیكی ئۆكرانی به‌فه‌رمی لویس كاسترۆی پۆرتوگالی به‌ ڕاهێنه‌ری نوێی تیپه‌كه‌ی ده‌ستنیشانكردو له‌ ڕێوڕه‌سمێكدا پێشكه‌شی میدیاكانی كرد

كاسترۆی ته‌مه‌ن ٥٧ ساڵ له‌به‌ردم میدیاكان سوپاسی پێشوازی گه‌رمی ئه‌ندامانی یانه‌ی شاختاری كردو ڕایگه‌یاند كه‌ هه‌وڵ ده‌دات پێكهاته‌یه‌كی تۆكمه‌و تێكه‌ڵه‌یه‌ك له‌ یاریزانانی لاو و خاوه‌ن ئه‌زموون به‌یه‌كه‌وه‌ كۆبكاته‌وه‌ تا ئه‌نجامی باش و ده‌ستكه‌وتی به‌نرخ بۆ یانه‌كه‌یان ده‌سته‌به‌ربكه‌ن و بتوانن نازناوه‌كان ببه‌نه‌وه
هه‌ر له‌ ڕێوڕه‌سمه‌كه‌دا داریۆ سێرنای كڕواتی و یاریزانی پێشووی شاختار وازهێنانی یه‌كجاره‌كی له‌ یاریكردن ڕاگه‌یاندو به‌ یاریده‌ده‌ری ڕاهێنه‌ری نوێی یانه‌كه‌ ده‌ستنیشانكرا، سێرنای ته‌مه‌ن٣٧ساڵ له‌ ساڵی ٢٠٠٣ تا ٢٠١٨ له‌ ڕیزی شاختار یاری كردووه‌و چه‌ندین ده‌ستكه‌وتی له‌گه‌ڵ یانه‌كه‌ به‌ده‌ستهێناوه‌و به‌ یه‌كێك له‌ ئه‌فسانه‌كانی شاختار داده‌نرێت، پارساڵیش به‌ گرێبه‌ستێك بۆ یه‌ك وه‌رز په‌یوه‌ندی به‌ یانه‌ی كالیاری ئیتاڵی كرد.


ئه‌مرۆ شه‌ممه‌ 22 ى 6 ى 2019 ، به‌چاودێری لێژنه‌ى ئۆلۆمپى هه‌رێمی كوردستان به‌سه‌رپه‌رشتى یه‌كێتى ناوه‌ندی تۆپى ده‌ستى كوردستان یارییه‌كانى كۆمه‌ڵه‌ى هه‌ولێر ی خولی تۆپى ده‌ستى یانه‌كانى كوردستان دەست پێدەکات.


خشته‌ و كاتى یارییه‌كانى كۆمه‌ڵه‌ى هه‌ولێر به‌م شێوه‌یه‌ به‌ڕێوه‌ده‌چێت :



له‌ وڵاتى میسر یارییه‌كانى جامى نه‌ته‌وه‌كانى ئه‌فریقیا ده‌ستیپێكرد و قۆناغى كۆمه‌ڵه‌كانیش تاوه‌كو رۆژى 2-7-2019 له‌ چه‌ندین یاریگه‌ى جیاوازى ئه‌و وڵاته‌ به‌رێوه‌ده‌چێت.

پاڵه‌وانێتى جامى نه‌ته‌وه‌كانى ئه‌فریقیاى 2019 له‌ وڵاـى میسر ده‌ستیپێكردو خاوه‌ن ماڵیش میسر به‌ بردنه‌وه‌ جامى ئه‌فریقیاى كرده‌وه‌ و یه‌كه‌م سێ خاڵى بەدەستهێنا .


له‌سه‌ر یاریگه‌ى قاهیره‌ى نێوده‌وڵه‌تى له‌ یارى كرانه‌وه‌ى پاڵه‌وانێتییه‌كه‌، هه‌ڵبژارده‌ى میسر روبەرووی یانەی زیمبابۆى بویەوەو  توانى به‌ ته‌نیا گۆڵێكى تریزیگێت یارییه‌كه‌ بباته‌وه‌ .


پاڵه‌وانێتییه‌كه‌ بۆ یه‌كه‌مجاره‌ به‌ به‌شدارى 24 هه‌ڵبژارده‌ به‌رێوه‌ده‌چێت و بڕیارە رۆژانه‌ش  له‌ چه‌ندین یاریگه‌ى جیاوازەوە یارییه‌كان به‌رێوه‌بچن.









 یانه‌ى ریال مه‌درید به‌ بردنه‌وه‌ى یارى كلاسیكۆى  باسكه‌ى خولى یانه‌كانى ئیسپانیا، بووه‌ پاڵه‌وانى ئه‌م وه‌رزه‌ى خولەکە .

ریال له‌ كۆتا یارى یه‌كلاكه‌ره‌وه‌ى خوله‌كه‌ به‌رامبه‌ر به‌رشه‌لۆنه‌ وه‌ستاییه‌وه‌و  توانى به‌ ئه‌نجامى 68-74 له‌ به‌رشه‌لۆنه‌ بباته‌وه‌و نازناوه‌كه‌ بۆ خۆی به‌رز بكاته‌وه‌ .

بەم سەرکەوتنەشی  بۆ  35مین جار له‌ مێژوودا باسكه‌ى ریال مه‌درید ده‌بێته‌ پاڵه‌وانى ئه‌و خوله‌.


ئەستێرەی ئیسپانی فێرناندۆ تۆرێس-ی تەمەن ٣٥ ساڵ کە دواجار لە ریزی یانەی ساگان تۆسو-ی ژاپۆنیدا بوو، کۆتایی بە ژیانی تۆپی پێی هێنا.

فێرناندۆ تۆرێس کە یەکێکە لە ئەستێرەکانی تۆپی پێ و هەڵبژادەی ئیسپانیا لە هەژماری تویتەری فەرمی خۆیدا وازهینانی خۆی لە ئەرکی یاریزانی ڕاگەیاند.


لە دەقی نوسینەکەیدا دەڵێت:

“لە دوای ١٨ ساڵی پڕ لە جۆش و خرۆش، کاتی ئەوە هاتووە خاڵی کۆتایی بۆ ژیانی تۆپی پێ دابنێم”.

ئەم ئەستێرە تەمەن ٣٥ ساڵە پێشتر لە ریزی هەریەکە لە یانەکانی لیڤەرپوڵ و چێڵسی و ئەیسی میلان و ئەتلەتیکۆ مەدرید یاریکردووە دواجار دوای ١٨ ساڵ لە یانەی ساگان تۆسو وازهێنانی لە تۆپی پێ راگەیاند.

تۆرێس-ی ناسراو بە ‘ئەل نینۆ’ لەگەڵ هەڵبژاردەکەیدا بەشداری لە ١١٠ یاری کردووە و ٣٨ گۆڵیشی تۆمارکردووە.

هەر لەمبارەشەوە  فێرناندۆ تۆرێس ئاماژەی بەوە کردووە کەوا کۆنفرانسێکی رۆژنامەوانی ساز دەکات و وەڵامی رۆژنامەنووسان دەداتەوە.


یاریزانى بەرازیلى و ئەستێرەى یانەى پاری سانجێرمانى فەڕەنسى ئەم وەرزەش لە یانە فەرەنسیەکە دەمێنێتەوە.

رۆژنامەکانى فەڕەنسا بڵاویان کردەوە، نیمار چاوەڕێى گرێبەستى بەرشەلۆنەو ریاڵمەدرید بوو، بەڵام هیچ کام لەو دوو یانەیە گریبەستیان پێشکەش نەکردوە، و بۆ وەرزێکى تریش لە یانەى پاریسانجێرمان دەمێنێتەوە.

ڕۆژنامەکان ئاماژە بە ئەمەش دەکەن، ئەم وەرزەش دوا وەرز دەبێت ئەگەر یانەى پاریسانجێرمان نەیتوانى نازناوى چامپۆنسلیگ بەدەست بهێنێت ئەوا وەرزى داهاتوو  نیمار دەفرۆشێت.

بەلام پێگەی سپۆرتی کەتەلۆنی پێچەوانەی رۆژننامەکانی فەڕەنسا ڕایگەیاندووە کە ھەردوو یانەی بەرشەلۆنە و پاریس سان جێرمان و نێیمار لەسەر گەرانەوەی ئەو یاریزانە بۆ بەرشەلۆنە رێککەوتن .

 سپۆرت نوسیویەتی کە یانەی بەرشەلۆنە و پاریس بۆ گەراندنەوەی نێیمار لەسەر بڕە پارەیەک رێکەوتوون  ، ھەروەھا بەرشەلۆنە چەند مەرجێکیشی بۆ نێیمار داناوە کە بریتین لە کشانەوەی سکاڵاکەی لە یانەی بەرشەلۆنە ھەروەھا پەشیمان بونەوەی خۆی لە رۆشتنی لە یانەی بەرشەلۆنە و ویستی خۆی بۆ گەراندەوە بۆ یانەکە  بە ئاشکرا  رابگەیەنێت ، نێیماربش بەو مەرجانە رازی بووە و ھەموو شتێک کۆتایی ھاتووە.


رۆژنامەكانی ئیسپانیا هۆكاری وازهێنانی  لویس ئینریكی لە راهێنەرایەتی ئیسپانیا ئاشكرا دەكەن.

رۆژنامەكان رایانگەیاندووە، ئینریكی بەهۆی ئەوەی كچەكەی توشی نەخۆشی شێرپەنجەی خوێن بووە و لە ئەمریكایە ناتوانێت سەرپەرشتی هەڵبژاردەكەی بكات ،بۆیە بەشێوەیەکی کت و پڕ وازهێنانی خۆی راگەیاندووە.

ئەمەش لە كاتێكدایە کە لە چەند رۆژی رابردوودا  ئینركی بە شێوەیەكی چاوەڕوان نەكراو دەستی لە پۆستی راهێنەرایەتی هەڵبژاردەی ئیسپانیا كێشایەوە.


ڕاگەیاندنەکانی ئیسپانیا بڵاوییان كردەوە كە یانەی ڕیاڵ مەدرید لە ئێستادا هیچ گرنگییەك بە واژۆ كردنی بۆند لەگەڵ نیمار نادات.

‎ئەمەش لە كاتێكدایە كە ڕۆژی پێنج شەمە ڕۆژنامەی مۆندۆی دیپۆر تیڤۆی ئیسپانی بڵاوی كردەوە كە یانەی ڕیاڵ مەدرید لە پێناو بەدەست هێنانی ئەو یاریزانە ئامادەیە بڕی ١٣٠ ملیۆن یۆرۆ  هەر یەك لە یاریزانەکانی  بەیڵ یان جەیمسیش بخاتە نێو بۆندەكە.

‎بە پێی هەواڵێكی ڕادیۆی كادێنا كۆپی ئیسپانیش یانەی ڕیاڵ مەدرید هیچ هەواڵێك بۆ گواستنەوەی یاریزانە پاریسییەكە نادات و تەنانەت لەناو پلانەكانی یانەكەشدا نییە.

‎ئەمە لە كاتێكدایە كە یاریزانە پاریسییەكە دەیەوێت جارێكی تر بۆ ڕیزی یانەی  بەرشلۆنە بگەڕێتەوە.


ناوبژیوانه‌ نێوده‌وڵه‌تیه‌كه‌ى كورد له‌سه‌ر ئاستى كیشوه‌رى ئاسیا گه‌یشته‌ لوتكه‌،ناوبژیوانیکردنی ئاستى باڵاو یارییه‌ به‌هێزه‌كان و چاره‌نووسازه‌كانى له‌ لایه‌ن یه‌كێتى تۆپى پێى ئاسیاوه‌ پێبه‌خشرا .

له‌ شارى ته‌برێزى وڵاتى ئێران پاڵه‌وانێتى لاوانى فوتساڵى ئاسیا به‌رێوه‌ده‌چێت ، هاوكار سالار ناوبژیوانى فوتساڵ یه‌كێكه‌ له‌ ناوبژیوانه‌كانى ئه‌و پاڵه‌وانێتییه‌و چه‌ندین یارى به‌هێزى به‌رێوه‌بردووه‌ .

پاڵه‌وانێتییه‌كه‌ له‌ ئاستێكى به‌رز به‌رێوه‌ده‌چێت ، له‌ قۆناغى كۆمه‌ڵه‌كان هاوكار سالار چه‌ندین یارى به‌هێزى به‌ سه‌ركه‌تووى به‌رێوه‌برد.

ئه‌و ناوبژیوانه‌ كورده‌ كه‌ هاوكات مامۆستاى زانكۆى سلێمانى و خاوه‌نى بروانامه‌ى دكتۆرایه‌ له‌ وڵاتى بەریتانیا پێشتریش وه‌ك ناوبژیوان چه‌ندین پاڵه‌وانێتى به‌هێزى به‌ڕێوه‌بردووه‌ .


ئەمرۆ ھەینی لە ووڵاتی میسر پاڵەوانێتی جامی نەتەوەکانی ئەفریقا بە بەشداری ٢٤ ھەڵبژاردە دەست پێدەکات و یاری نێوان میسر و زیمبابۆی دەست پێدەکات.

خشتەو کاتی یاریەکانیش بەم شێوەیەن بە کاتی ھەرێمی کوردستان

ھەینی ٢١-٦
میسر × زیمبابۆی ١١:٠٠ ی شەو

شەممە ٢٢-٦
کۆنگۆ × ئۆگەندا ٥:٣٠
نەیجیریا × بۆرۆندی ٨:٠٠
غینیا × مەدغشقر ١١:٠٠

یەک شەممە ٢٣-٦
مەغریب × نامبیا ٥:٣٠
سەنیگال × تەنزانیا ٨:٠٠
جەزائیر × کینیا ١١:٠٠

دووشەممە ٢٤-٦
کۆت دی ڤوار × ئەفریقای باشوور ٥:٣٠
تونس × ئەنگۆلا ٨:٠٠
مالی × مۆریتانیا ١١:٠٠

سێ شەممە ٢٥-٦
کامیرۆ × غینیا ٨:٠٠
غانا × بەنین ١١:٠٠

چوار شەممە ٢٦-٦
نەیجیریا × غینیا ٥:٣٠
ئۆگەندا × زیمبابۆی ٨:٠٠
میسر × کۆنگۆ ١١:٠٠


یانه‌ی‌ ئه‌ی‌ سی میلانی‌ ئیتاڵی‌ گرێبه‌ستێكی‌ یانه‌ی‌ به‌رشه‌لۆنه‌ی‌ ئیسپانی‌ ره‌تده‌كاته‌وه‌ بۆ گواستنه‌وه‌ی‌ ئه‌لیسۆ رۆمانیۆلی‌ كاپتن و به‌رگریكاری‌ ئه‌و یانه‌ ئیتاڵییه‌ .


 چه‌ند سه‌رچاوه‌یه‌كی‌ نزیك له‌ یانه‌ی‌ ئه‌ی‌ سی میلان ڕایانگەیاندووە کە یانه‌ی‌ به‌رشه‌لۆنه‌ی‌ ئیسپانی‌ گرنگییه‌كی‌ زۆر به‌ تواناكانی‌ رۆمانیۆلی‌ به‌رگریكاری‌ یانه‌ی‌ ئه‌ی‌ سی میلانی‌ ئیتاڵی‌  ده‌دات .


ئه‌و سه‌رچاوانه‌ باس له‌وه‌ش ده‌كه‌ن كه‌ به‌رشه‌لۆنه‌ بڕی‌ 40 ملیۆن یۆرۆی‌ داوه‌ته‌ یانه‌ی‌ میلان بۆ گواستنه‌وه‌ی‌ رۆمانیۆلی‌ ، به‌ڵام راسته‌وخۆ یانه‌ی‌ میلان ئەم داوایەی ره‌تكردۆته‌وه‌ .


رۆژنامه‌ی‌ لی‌ ده‌ سپۆرتی‌ فه‌ره‌نسی‌ ئاماژه‌ی‌ به‌وه‌ كردووه‌ كه‌ یانه‌ی‌ پاریس سانجێرمانی‌ فه‌ره‌نسی‌ به‌هیچ شێوه‌یه‌ك گرنگی‌ به‌ تواناكانی‌ كۆتینهۆ نه‌داوه‌ .


 رۆژنامه‌کە ڕایگەیاندووە كه‌ پاریس سانجێرمان گرنگی‌ به‌ سامیۆل ئۆمتیتی‌ یان راكیتیچ ده‌دات ، به‌ڵام به‌هیچ شێوه‌یه‌ك گرنگی‌ به‌ گواستنه‌وه‌ی‌ كۆتینهۆ نه‌داوه‌ .


ئه‌م هه‌واڵه‌ش له‌ كاتێكدایه‌ كه‌ له‌ماوه‌ی‌ رابردوودا به‌شێكی‌ زۆر له‌ رۆژنامه‌كانی‌ ئه‌وروپا ئاماژه‌یان به‌وه‌ كرد كه‌ پاریس سانجێرمان له‌ ئه‌گه‌ری‌ رۆشتنی‌ نیماردا گرێبه‌ست له‌گه‌ڵ كۆتینهۆ واژوو ده‌كات.

 بەرەبەیانی ئەمڕۆ هەیینی 21ی حوزەیرانی 2019 لەگەڕی دووەمی یارییەكانی پاڵەوانێتی كۆپا ئەمریكا هەڵبژاردەی ژاپۆن و ئۆرۆگوای  بەیەكگەیشتن و هەڵبژاردەی ژاپۆنیش توانی یەكسانبوون بەسەر ئۆرۆگوای  بسەپێنێت.

بەو یەكسانبوونەش، هەڵبژاردەی ژاپۆن یەكەم خاڵی خۆی لەگروپی دووەم بەدەستهێنا و بەشێوەیەكی كاتی لەپلەی سێیەمی گروپەكەیدا دێت، لەبەرامبەردا هەڵبژاردەی ئۆرۆگوای كە پاڵێوراوێكی سەرەكییە بۆ بەدەستهێنانی پاڵەوانێتییەكە،و لەپلەی یەكەمی هەمان گروپدا دێت.

لە خولەكی 25دا كوجی میوشی ژاپۆنی بە گۆڵی یەكەم پێشخستنی تۆمارکرد، بەڵام لە خولەكی 32دا سوارێز گۆڵی یەكسانبوونی بۆ ئۆرۆگوای تۆماركرد.

لە گێمی دووەم و لە خولەكی 59دا كوجی میوشی گەڕایەوە گۆڵی دوومی خۆی و ژاپۆنی تۆماركرد، بەڵام ئۆرۆگوای لە خولەكی 66دا گۆڵی یەكسانبوونی دووەمی بە هۆی خۆزێ ماریا خیمینێزەوە تۆماركرد. یاریەكەش بەو ئەنجامە بە کۆتایی هات.



كیلیان مباپی فەرەنسی‌و یاریزانی یانەی پاریس سان جێرمان دەیەوێت روو لە یانەی لیڤەرپوڵی ئینگلیزی بكات.

مباپی لەمیانی لێدوانێكیدا رایگەیاند، یاریكردن لەژێر دەستی یۆرگن كلۆپی ئەڵمانی‌و راهێنەری لیڤەرپوڵ شتێكی زۆر باشە ، بۆیە دەمەوێت روو لەو یانەیە بكەم و بەلام کاتەکەی دیارنیە.

 مباپی بەدووری زانی لەم هاوینە روو لەیانەی لیڤەرپوڵ بكات، چونكە جارێ‌ دەیەوێت لەیانەی پاریس سان جێرمان بمێنێتەوە.

ئەمە لەكاتێكدایە، ماوەی رابردوو یانەی لیڤەرپوڵ خواستی خۆی نیشاندا، بۆ ئەوەی لەهاوینی داهاتوو كیلیان مباپی فەرەنسی بێنێتە ریزەکانی.

رۆژنامەی ئاسی مەدریدی وێنەیەكی میسی داناوە كە بە چڕی كەوتۆتە ناو بەرگری كارانی پاراگوای و هیچ یاریزانێكی ئەرجەنتین لە دەورو پشتی نیە.

‎ڕۆژنامە مەدریدیكە كە نزیكە لە یانەی ڕیاڵ مەدریدی ئیسپانی ‎ وێنەیەكی بڵاوکردۆتەوەو نوسیویەتی” ئەمە میسی یە لەخولەکی 94 و کاتێک هەردولا بە گۆڵێک یەکسانن ‎دەیەوێت گۆڵی بردنەوە بکەن، بەڵام بەتەنها خۆی و بە بێ هاوکاری دەچێتە پێشەوە” .


هەروەها  نوسیویەتی: ئەرجەنتین ئەمە تۆپی پێ نیە ئێوە ئەنجامی دەدەن .



یاریزانانى هه‌ڵبژارده‌ى كامیرۆنى پاڵه‌وانى پێشووى جامى ئه‌فریقیا بایكۆتی گه‌شتیان به‌ره‌و میسر راگه‌یاند بۆ به‌شداریكردن له‌ پاڵه‌وانێتى ئه‌فریقیا.

به‌ پێى هه‌واڵێكى پێگه‌ى "dailyadvent"  ٢٣ یاریزانى هه‌ڵبژارده‌كه‌ ره‌تیان كردۆته‌وه‌ گه‌شت بكه‌ن ئه‌گه‌ر پاداشتى سه‌ركه‌وتنیان بۆ به‌رز نه‌كرێته‌وه‌ له‌ ٢٨ هه‌زار  بۆ ٥٧ هه‌زار ئیسته‌رلینه‌وه‌.

پێگه‌كه‌ ئه‌وه‌شى خستۆته‌ روو ،ئه‌ستێره‌ى پێشووى هه‌ڵبژارده‌كه‌ سامویل ئیتۆ هاتۆته‌ سه‌ر هێڵ و داواى كردووه‌ بایكۆت بشكێنن و كێشه‌كه‌یان بۆ چاره‌سه‌ر ده‌كات له‌ رۆژانى داهاتوو .


یانه‌ى ریال مه‌دریدى ئیسپانى،پۆستێكى راهێنه‌رى یه‌كێك له‌ ئه‌ستێره‌كانى پێشووى به‌خشی.

ئه‌مرۆ پێنجشه‌ممه‌ یانه‌ى ریال مه‌درید پۆستى راهێنه‌رى تیپى كاستیاى یانه‌كه‌ى  به‌ رائول گۆنزالێزى ئه‌ستێره‌ى پێشووى یانه‌كه‌ به‌خشى .

رائول له‌ ئه‌ركه‌ نوێیه‌كه‌ى سه‌رپه‌رشتى ده‌ركه‌وتنى ئه‌و یاریزانه‌ ده‌بێت كه‌ له‌ خوار ته‌مه‌نى 15 ساڵه‌وه‌ له‌ یانه‌كه‌ یاریده‌كه‌ن .


بەفەرمی یانەی برایەتی یاریزانی بەئەزمونی یانەی دهۆک ( نێچیرڤان شوکری ) ڕیزەکانی خۆی گواستەوە .

ناوبراو لەهێلی ناوەڕاست یاری دەکات و پێشوتر لەخولی یانە نایابەکانی عێڕاق یاری بۆهەریەک لەیانەکانی  دهۆک و زاخۆ کردووە 


بە شێوەیەكی فەرمی یانەی بەرشەلۆنەی ئیسپانی سێیەم گرێبەستی هاوینەی خۆی واژووكرد و بۆندی لەگەڵ مایك ڤان بیجنینی هۆڵندی وبەگریكاری یانەی ناك بریدای هۆڵندی واژووكرد . 


رۆژنامەی مۆندۆ دیپۆرتیڤۆ ئاماژە بەوە دەكات كە یانەی بەرشەلۆنە بە شێوەیەكی فەرمی گرێبەستی لەگەڵ بەرگریكاری  یانەی ناك برێدای هۆڵندی مایك ڤان بینجینی تەمەن 20 ساڵ واژووكردووە . 


بەرشەلۆنە بێ بەرامبەر بۆ ماوەی دوو وەرز گرێبەستی لەگەڵ ئەو بەرگریكاری ئەنجامدا، لە بەر ئەوەی گرێبەستەكەی لەگەڵ یانەكەیدا كۆتاییهات .

 هاوكات یانە كەتەلۆنیەكە نرخی هەڵوەشاندنەوەی گرێبەستەكەی بە 100 ملیۆن یۆرۆ دیاری كردووە . 

جێگەی ئاماژەیە ڤان بینیجن دەبێتە سێیەم گرێبەستی هاوینەی بەرشەلۆنە پاش هەریەكە لە دی یۆنگ ی یاریزانی ئەیاكس وئیمرسۆنی یاریزانی ئەتلەتیكۆ مینیرۆی بەرازیلی .

 یانه‌ی مانچسته‌ر سیتی ئاماده‌کاری بۆ گواستنه‌وه‌ی یه‌کێک له‌ باشترین به‌رگریکاره‌کانی خولی ئیتاڵیای کردووه‌ و ئاماده‌ن بۆندێک بۆ ئه‌و مه‌به‌سته‌ پێشکه‌ش بکه‌ن.

ڕۆژنامه‌ی کۆرێری دێلۆ سپۆرتی ئیتاڵی بڵاویکردۆته‌وه‌، له‌کاتێکدا یانه‌کانی یوڤانتۆس و به‌رشلۆنه‌ له‌هه‌وڵدان بۆ گواستنه‌وه‌ی ماتیاس دی لیختی به‌رگریکاری  هۆڵه‌ندی، پیپ گواردیۆلا هاوکارانی له‌ ئیداره‌ی سیتی ڕاسپاردووه‌ بۆ گواستنه‌وه‌ی کالیدۆ کۆلیبالی سه‌نیگالی به‌رگریکاری  یانه‌ی ناپۆلی.

به‌پێی سه‌رچاوه‌که‌، ناپۆلی ته‌نها له‌ حاڵه‌تی به‌ده‌ست گه‌یشتنی بۆندێکی به‌هێزدا ئاماده‌یه‌ ده‌ستبه‌رداری به‌رگریکاره‌ ڕه‌ش ئه‌سمه‌ره‌که‌ی ببێت و ئیداره‌ی سیتی ئاماده‌کارییان کردووه‌ بۆ پیشکه‌شکردنی بۆندێک بە بڕی ٩٥ ملیۆن پاوه‌ند.

به‌شێوه‌یه‌كی فه‌رمی یانه‌ی ریاڵ مه‌دریدی ئیسپانی هه‌واڵی چوونی ماركۆس یۆرێنتی یاریزانیان بۆ ریزی ئه‌تله‌تیكۆ مه‌درید بڵاوكرده‌وه‌.

 یانه‌ی ریاڵ مه‌درید له‌ رێگه‌ی راگه‌یاندراوێكیاندا ئاماژه‌یان به‌وه‌داوه‌ كه‌وا ماركۆس یۆرێنتی بۆ پێنج وه‌رز و به‌به‌های ٤٠ ملیۆن یۆرۆ په‌یوه‌ندی به‌ ئه‌تله‌تیكۆ مه‌دریده‌وه‌ كردووه‌.

ئه‌و گرێبه‌سته‌ش له‌ كاتێكدایه‌، دوای گه‌ڕانه‌وه‌ی زیدان بۆ ئه‌ركی راهێنه‌رایه‌تی ریاڵ مه‌درید ناوبراو چه‌ند یاریزانێكی ده‌ستنیشانكردووه‌ و خستوونێتییه‌ لیستی فرۆشتنه‌كانه‌وه‌ كه‌ یۆرێنتیشی تیادابووه‌.

ماركۆس یۆرێنتی ته‌مه‌ن ٢٤ ساڵ له‌ هێڵی ناوه‌ند یاریی ده‌كات و له‌ تیمی دووه‌می ریاڵ مه‌دریده‌وه‌ هاتووه‌ته‌ تیمی یه‌كه‌م.

رۆژنامه‌كانی فه‌ڕه‌نسا و ئیسپانیا بڵاویانكرده‌وه‌ كه‌وا گفتوگۆ له‌نێوان هه‌ردوو یانه‌ی پاریس سان جێرمان و ریاڵ مه‌دریدایه‌ بۆ گواستنه‌وه‌ی مباپێ بۆ ریزی شاهانه‌كان ئەنجامدراوە.

رۆژنامه‌ی ماركا رایگه‌ندووه‌، پاریس سان جێرمان بۆ ده‌ستبه‌رداربوون له‌ كیلیان مباپێی هێرشبه‌ر، داوای بڕێك پاره‌ و یاریزان كاسێمیرۆ ده‌كات له‌ ریاڵ مه‌درید، كه‌ ئه‌مه‌ش گفتوگۆكانی قورسكردووه‌.

به‌گوێره‌ی ئه‌و سه‌رچاوه‌یه‌، ریاڵ مه‌درید ئاماده‌نییه‌ ده‌ستبه‌رداری كاسێمیرۆ بێت و ده‌یه‌وێت هه‌رچۆنێك مامه‌ڵه‌كه‌ به‌پاره‌ ئه‌نجام بدات به‌ڵام ئه‌وه‌ش  ئه‌نجامدانی ئاسان نابێت.

له‌دوای گواستنه‌وه‌ی هازارد بۆ ریزی ریاڵ مه‌درید، هانده‌رانی ئه‌و یانه‌یه‌ له‌ چاوه‌ڕوانی هه‌واڵی كڕینی پۆگبا یاخود مباپێدان بۆ ریزی یانەکەیان.

تین هاگ، دوای ئەوەی چاوێكی زۆری یانەكانی ئەوروپای بۆ خۆی راكێشا بەڵام گرێبەستی لەگەڵ هیچ یانەیەك ئەنجام نەدا و  شێوەیەكی فەرمی بەردەوامبونی خۆی لەگەڵ ئەیاكس راگەیاند. 

ئەمڕۆ بەشێوەیەكی فەرمی یانەی ئەیاكس ئەمستەردامی هۆڵەندی، گرێبەستی ئیریك تین هاگ، راهێنەری یانەكەی نوێ كردەوە و تا كۆتایی مانگی حوزەیرانی ساڵی 2022 بەردەوام دەبێت. 

مارك ئۆڤەرمارس، بەڕێوبەری وەرزشی یانەكە، لەوبارەیەوە وتی "دەتوانین لە ساڵانی داهاتوو بە متمانە بەخۆبوونێكی زۆرەوە لە پاڵەوانێتییەكان بەشداریی بكەین، بۆ ئایاكس دڵخۆشكەر دەبێت، كە راهێنەرێكی چالاكی وەك تین هاگی هەبێت، كە لە رابردوودا سەركەوتنی گەورەی بۆ یانەكە تۆمارکردووە".

بە گوێرەی راگەیەندراوێک ئۆلێکساندەر زینچێنکۆ-ی ئۆکرانی، یاریزانی هێلی بەرگری تا ساڵی ٢٠٢٤ لە ریزەکانی یانەی مانچستەرسیتی ئینگلیزی دەمێنێتەوە.

یانەی مانچستەرسیتی لە پێگەی فەرمی خۆیدا نوێکردنەوەی گرێبەستی لەگەڵ ئۆلێکساندەر زینچێنکۆ تا ساڵی ٢٠٢٤ راگەیاند.

جێگای ئاماژەیە زینچێنکۆ-ی لاوی تەمەن ٢٢ ساڵ کە لە ٢٠١٦ـدا گواستراوەتەوە ریزەکانی مانچستەرسیتی، وەرزی رابردوو لە ٢٩ یاریدا بەشداریکرد و گۆڵێکی تۆمارکرد.


یانەی ریال مەدرید-ی ئیسپانی کەوا شکستێکی زۆر گەورەی لە وەرزی ٢٠١٨-٢٠١٩ـدا تۆمار کرد، لە وەرزی نوێ چەندین یارزانی هێناوەتە ریزەکانی.

یانه‌ی ریاڵ مه‌دریدی كه‌ له‌ ریزبه‌ندیی گرانترین یانه‌كانی جیهاندا له‌ پله‌ی یه‌كه‌مدایه‌ و به‌ خه‌رجكردنی ٣٠٣ ملیۆن یورۆ له‌ ٢ هەفتەی یەکەمی گواستنه‌وه‌ی یاریزانان و بەم گواستنەوە نوێیەی، ژماره‌یه‌كی نوێی پێوانه‌یی تۆماركرد.

هاوکات یانه‌ی شاهانه‌ لەمەوبەر رایگه‌یاند، له‌ ٤ـی حوزه‌یراندا لوكا جۆڤیج-ی به‌ بڕی ٦٠ ملیۆن یورۆ، له‌ ٧ـی حوزه‌یراندا ئێدن هازارد-ی به‌ بڕی ١٠٠ ملیۆن یورۆ و له‌ ١٢ـی حوزه‌یراندا فێرلاند مێندی به‌ بڕی ٤٨ ملیۆن یورۆ بردووه‌ته‌ ریزه‌كانییه‌وه‌. هەڵبەت یانه‌كه‌ پێشتر هه‌ریه‌ك له‌ ئێدن میلیتاو بە ٥٠ ملیۆن یورۆی و گۆیه‌زی بە ٤٥ ملیۆن یورۆی بردبوویه‌ ریزه‌كانییه‌وه‌.


لویس ئێنریکی، راهێنەری ئیسپانیا لە پۆستی راهێنەری هەڵبژاردەی ئیسپانیا ده‌ستبه‌ردارى پۆسته‌كه‌ى بوو .

له‌ كۆنگره‌یه‌كى رۆژنامه‌وانى كه‌ پاشنیوه‌رۆى دوێنێ چوارشه‌ممه‌ به‌رێوه‌چوو ، لویس رۆبیالێسی سەرۆکی یه‌كێتیى تۆپی پێی ئیسپانیا ئاشكرایكرد بەهۆی کێشەیەکی خێزانییەوە لویس ئێنریکی ده‌سته‌به‌ردارى پۆسته‌كه‌ى ده‌بێت .

رۆبیالێس وتیشى رۆبێرت مۆرینۆی یاریدەدەری لویس ئێنریکی دەبێت بە راهێنەری هەڵبژاردەكه‌.


یه‌كێتی‌ ناوه‌ندی‌ باله‌ی‌ عێراق به‌ هاوكاری‌ لقه‌كانی‌ خۆی‌ پاڵاوتنی‌ باله‌ی‌ یانه‌كانی‌ عێراق بۆ ئاستی‌ پله‌ نایابی‌ ( ب ) درێژه‌ پێده‌دات و له‌ قۆناغی‌ پێش كۆتایی‌ دا 18 تیپی‌ باله‌ی‌ یانه‌كانی‌ عێراقیش كه‌ دابه‌شی‌ سه‌ر چوار كۆمه‌ڵه‌ كراون به‌ یه‌ك ده‌گه‌ن .

له‌ شاری‌ سلێمانی‌ كۆمه‌ڵه‌ی‌ یانه‌كانی‌ باكور و كوردستان كه‌ پێك دێن له‌ یانه‌كانی‌ ( چه‌م چه‌ماڵ ، ته‌ق ته‌ق ، ئه‌كاد ، هێرش و نه‌ینه‌وا ) به‌ یه‌ك ده‌گه‌ن و بڕیاره‌ یاریه‌كانیشی‌ له‌ به‌رواری‌ 23 مانگی‌ 6 ده‌ست پێبكات .

له‌م پاڵاوتنه‌دا 5 یانه‌ی‌ باكور و كوردستان به‌شداریان كردووه‌ و له‌ به‌رواری‌ 23 / 6 یاریه‌كانی‌ ده‌ستپێده‌كات له‌ نێو هۆڵی‌ یانه‌ی‌ پێشمه‌رگه‌ له‌م قۆناغه‌دا و له‌ هه‌ر گروپێك دوو تیپ سه‌رده‌كه‌وێت بۆ قۆناغی‌ كۆتایی‌ ده‌بنه‌ هه‌شت تیپ و له‌ شاری‌ به‌غداد ئه‌و قۆناغه‌ی‌ كۆتایی‌ ئه‌نجام ده‌درێت و دوو تیپی‌ ده‌گاته‌ ڕیزی‌ یانه‌ نایابه‌كان بۆ ئاستی‌ ( ئه‌لف ) .


 رۆژنامەی زە سەن ی بەریتانی بڵاوی کردۆتەوە کە ھەرچەندە خۆسێ مۆرینیۆ لە یانەی مانچستەر یونایتد نەماوە بەڵام ئێستا ئەو یانەیە داواکاریەکانی پێشووی ئەو راھێنەرە جێ بە جێ دەکات .

 کاتێک مۆرینیۆ لە یانەی مانچستەر بوو داوای لە ئیدارەی یانەکەی کردبوو کە ھەریەک لە ھاری ماگوێر لە یانەی لیستەر سیتی و عیسا دیوب و دیکلان رایس لە یانەی وێست ھام ی بۆ بکرن بەڵام ئەوکات داواکەی ئەو راھێنەرە جێ بەجێ نەکرا و دواتریش مۆرینیۆ لە یانەکە دەرکرا .

 ئێستا یانەی مانچستەر یونایتد بۆندی بۆ کرینی ئەو ٣ یاریزانە پێشکەش کردووەو بڕی ١٣٠ ملیۆنیشی بۆ کرینی ئەو ٣ یاریزانە تەرخان کردووە کە پێدەچێت پارەکە لەوە زیاتریش بێت .


یانه‌ی‌ ریاڵ مه‌دریدی‌ ئیسپانی‌ ئاماده‌یی نیشانداوه‌ بۆ ئەوەی گرێبه‌ستێك پێشكه‌شی‌ یانه‌ی‌ پاریس سانجێرمان بكات بە مەبەستی گواستنه‌وه‌ی‌ نیمار داسێلڤای‌ به‌رازیلی‌ وئه‌ستێره‌ی‌ پاریس سانجێرمان بۆ ڕیزی یانەکەی .

رۆژنامه‌ی‌ مۆندۆ دیپۆرتیڤۆی‌ كه‌ته‌لۆنی‌ ئاماژه‌ی‌ به‌وه‌ كردووه‌ كه‌ به‌رپرسانی‌ یانه‌ی‌ ریاڵ مه‌درید ئاماده‌ییان نیشانداوه‌ بڕی‌ 130 ملیۆن یۆرۆ بداته‌ یانه‌ی‌ پاریس سانجێرمان له‌گه‌ڵ گاریس بێڵ یان جه‌یمس رۆدریگێزبۆ به‌ده‌ستهێنانی‌ تواناكانی‌ نیمار .

جێگه‌ی‌ ئاماژه‌یه‌ نیمار له‌م هاوینه‌دا به‌ ئه‌گه‌رێكی‌ زۆر یانه‌ پاریسییه‌كه‌ جێده‌هێڵێت .


لیۆنێل میسی هەڵبژاردەی وڵاتەکەی لە شکست رزگار کرد و دانی بەوەش دانا کە تیمەکەی لە پشێوییەکی گەورەدایە.

بەرەبەیانی ئەمڕۆ لە چوارچێوەی یارییەکانی پاڵەوانێمی کۆپا ئەمەریکا، هەڵبژاردەی ئەرجەنتین روبەڕوی هەڵبژاردەی پاراگوای بوەوە و یارییەکە بە ئەنجامی یەک گۆڵ بەرانبەر بە یەک یەکسان بوو.

لە گێمی یەکەمی یارییەکەدا ریچارد سانشێز گۆڵی پێشکەوتنی بۆ پاراگوای تۆمارکرد، لە گێمی دووەمی یارییەکەشدا و بە لێدانی سزا، میسی گۆڵی یەکسانبونەوەی بۆ ئەرجەنتین  تۆمارکرد، هەرچەندە لە خولەکی (63)ی یارییەکەدا ناوبژیوان لێدانی سزای بۆ پاراگوای ئەژمارکرد، بەڵام گوانزالێز لە تۆمارکردنی گۆڵی بردنەوە بۆ هەڵبژاردەکەی  سەرکەوتو نەبوو.

بەو ئەنجامەش هەڵبژاردەی تانگۆ بە كۆكردنەوەی یەك خاڵ لە پلەی چوارەم و كۆتایی گروپەكەیدایە و كەوتوەتە دوای هەڵبژاردەی قەتەری میوانی پاڵەوانێتییەکەوە.

دوای تەوابونی یارییەکەش بەو ئەنجامە خراپە، لیۆنێل میسی کاپتنی ئەرجەنتین دانی بەوەدانا کە هەڵبژاردەی وڵاتەکەی لە پشێوی و ناڕێکیدایە و رایگەیاند: سەرەتای یارییەکە یاریزانەکانمان باش یارییان دەکرد، بەڵام دوای تۆمارکردنی گۆڵێک لەلایەن پاراگوایەوە، پشێوی و ناڕێکی لە نێو تیمەکەماندا دروست بوو، بۆیە پێویستە لە یاری داهاتودا باشتر یاری بکەین.

هەر لەوبارەیەوە سكالۆنی راهێنەری هەڵبژاردەی ئەرجەنتین لە كۆنگرەیەكی رۆژنامەوانیدا ڕایگەیاند: لەیاری داهاتومدا بەرانبەر قەتەر، جگە لە بردنەوە هیچ رێگەیەکی دیکەمان لەبەردەمدا نییە.


یانەی بایەرن میونیخ، رۆشنی ماتس هۆمڵزی بەرگریكاری راگەیاند.

هۆملز لەیانەی بۆرۆسیا دۆرتمۆند لەهاوینی 2018 رووی لەیانەی بایەرن كرد،  ئێستاش گەڕاوەتەوە هەمان یانەكەی پێشووتری.

ئەو بەرگریكارە تەمەنی 30 ساڵەو دوو جار نازناوی خولی ئەڵمانی بەدەستهێناوە، كە لەیارییەكانیشدا ئاستێكی بەرز پێشكەش دەكات.

هۆمڵز بە گرێبەستێكی 38 ملیۆن یۆرۆیی بۆ سێ‌ وەرز گەڕاوەتەوە یانەی بروسیا دۆرتمۆند، كە تاکە ئیستا وردەكاری زیاتر لەبارەی ئەو گرێبەستەوە رانەگەیەنراوە.


رۆژنامەی مۆندۆ دیپۆرتیڤیۆی كەتەلۆنی بڵاویكردەوە، كە نیمار داسیلڤای بەرازیلی‌و یاریزانی یانەی پاریس سان جێرمان لە ڕێگەی نامەیەک بەرپرسانی یانەكەی تووشی شۆك كردووە.

رۆژنامەكە بڵاویشیكردەوە، كە نیمار بەرپرسانی یانەكەی ئاگاداركردووەتەوە، لەهاوینی داهاتوو ریزی یانەی پاریس سان جێرمان جێدەهێڵێت.و چیتر نایەوێت لەپاریس سان جێرمان بەردەوام بێت‌و دەگەڕێتەوە یانەی بەرشەلۆنە.


نیمار لەهاوینی 2017 لەیانەی بەرشەلۆنەوە چوو بۆ یانەی پاریس سان جێرمان ، ئەوەش بەشكاندی گرێبەستەكەی لەگەڵ بەرشەلۆنە  كە نرخی  شكاندەكەی 222 ملیۆن یۆرۆ بوو.


لێژنه‌ی پزیشكیی یه‌كێتی تۆپی پێی ئه‌مه‌ریكای باشوور ناسراو به‌ كۆنمیپۆل پشكینی به‌كارهێنانی ماده‌ی وزه‌به‌خشی بۆ هه‌ردوو یاریزانی به‌رازیلی فلیپ كۆتینیۆ و دانی ئه‌لڤێس ئه‌نجامدا.

 یه‌كێتی تۆپی پێی به‌رازیل بڵاویكرده‌وه‌ كه‌ هه‌ردوو یاریزان له‌لایه‌ن لێژنه‌كه‌ به‌ر له‌ به‌ڕێوه‌چوونی یاری به‌رامبه‌ر هه‌ڵبژارده‌ی ڤه‌نزویلا بۆ پشكنین ده‌ستنیشانكراون و به‌تیروپشك نه‌بووه‌.

 جێگای باسه‌ لێژنه‌ی پزیشكی یه‌كێتی تۆپی پێی ئه‌مه‌ریكای باشوور هیچ زانیاریه‌كی له‌باره‌ی ئه‌م پرسه‌ بڵانه‌كردۆته‌وه‌، به‌ڵام ئه‌و كاره‌ له‌میانی هه‌وڵه‌كانی یه‌كێتیه‌كه‌  و بۆ رێگریكردن له‌  به‌كارهێنانی ده‌رمانه‌‌ وزه‌به‌خشه‌ قه‌ده‌غه‌كراوه‌كان‌ ئەنجامدرواوە.

MKRdezign

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget